Lunglawm Tikimtu chapter-19

 " Vawikhat chaw eiah min sawmna ania, ka ei nghal dawn si azahthlak viau em " Pu Imanuela tein pana kan kal mek laite chuan ka ti leh ṭhin

" Duhsakna hnawl hi a polite lo zawk " A ti ve nghat, tunang dinhmunah hian hetiang thu sawi angaih loh nen

" Mr cold, i thusawi hun leh ka dinhmun hi a inremlo ṭhin emai " Ka tih chuan anui a, min chhang tawhlo in motor chu uluk deuhin akhalh.

" Inlo thleng tawh maw? Inlo tluang em? " Inchhung kan luh rualin Amelia chuan minlo be sawk sawk a, Dandani pawh alo awm ve reng

" Lalruatfela'n zawi muang leh uluk deuh bakin Motor akhalh ngailo, harsatna an tawh chu ring duh suh " Dandani'n alo ti ve

" Eng nge ilo tih ve " Fela'n atih chuan Fela chu ka kheuh zeuh, ti anglo lutuk mai anui duh miahlo lehnghal

" Heite chu ka in pahnihna alawm " Dandani chuan Fela thusawi mai mai chu a ngai hawlo kher mai

" Lokal ru lo ṭhu ru, Dandani leh Fela hi chu an in ngeih hlawllo " Amelia chuan Common room ah min hruaia, Naupang an awmlo nge inchhung chu a reh ruih mai

" Naupang school kal anla banglo a, apa rualin anlo hawng ang, Kanu leh pa te chu Dandani tein ah khan ankal a, anlo hawng harlo ang " Ka ngaihtuahna hria ang hrimin ati leh zung zung

" Anih chu " Ṭawngthei hle e tilo hian sawi tur hi ka haihchham leh viau zel

" Sangsang, engtin nge Fela hi hetianga rei hi i ngaihzawn theih, lo duh ve tute pawn karkhat bak an duh ngailo " Sitting room ah kan ṭhut ṭhap laiin Dandani'n ati leh a

" Ṭawng kual duah zello in pasal zawng ve tawh rawh " Fela'n ati hmuk Amelia chuan anuih kar kar a, Dandani chuan Fela chhaih kual vel dan a hre khawp mai. Rei pawh kan awm hmain Pu Imanuela leh a fate pathum anlo hawnga, Naupang anlo thleng chiah thawm a awm nghal nak nak

" In va fel ve " Ti thum dut chungin Pu Imanuela chuan min chibai a, amah a palian si abulah chuan kan te zual rawih rawih alawm, Naupang ho anlo hawn tawh avangin Sam leh Noah Birthday ani bawka Amelia in cake zai tur alo phawrh a, Sam tiam loh in Noah leh Princess antih ve mai chu an phur ngei mai, An naupang ber hi Princess tiin an ko ve tho a, Lalruatfela'n princess tia min koh ve ṭhin tho avangin Princess an tih changin kalo eih leh lek lek zel. Sam chu mipa inla pa ve chi tak ani bawka a naute hlimna ah chuan a phur ve tehchiamlo, Cake te kan zaia cake kan ei hnu lawkah chaw kan ei nghal bawk si tui deuha chaw ei ahar ngei mai

" Ei ṭeuh ru aw, kanu te chu Dandani tein ah chaw an ei nghal dawn a " Amelia chuan ati bawrh bawrh a, chaw hmeh an siam tam em em lehnghal, ei ber tur pawh ka hre dawn hleinem, Fela'n ka suah ve hma hauhin min suahsak zel a, ka eiduh zawk ahre bawk si ka suak velo tluk ani e, Pu Imanuela leh Amelia te Dandani te an awm ve kur sia anawm dan azahthlak pha tlat

" Lalruatfel ivan over tak " Dandani'n ati leh ta nge nge, alo sawi har ka ti zawk, Amelia te nupa an nui huk a 

" Suahsak tur i neih veloh vang anihkha " Pakhatpa lahin ati mai mai a, Dandani thusawi mai maite chu eng atan mah angai bik teuhlo

" Ka insuah ve tawh mai ang " Min suahsak leh chuan nuamlo ti deuhin Fela hriattham lek chuan kati a

" Dandani thilsawi mai mai eng ah mah ngai suh " A ti ve tlat bawk sia, ka rin aiin ka ei tam daih leh nghal chaw ei lamah hi chuan zah ka hre vak bik tawhlo. 

" Ruatpui, ka hmanlo " Ei hmun kan tihfel laiin Doorbell alo ri a Pu Imanuela'n a nupui alo au 

" Engmah tak tak ati leh awm tawp silo a " Ti hlak hlak chungin Amelia chuan kawngka ava hawng

" Theng chu kalo sil ang " Ka tih chuan Dandani'n aphal tlatlo a aman asil nghal daih 

" Kalo sil ang, ka sil loh chuan anuamlo " Ka tih pawh chuan

" Keipawh mikhual tho alawm ka nih " Ati ve tlat, kalsan daih anuam kati silo a, abulah chuan ka ding ve ta reng

" I fanu anilo chu ka ti hauhlo mahse, i hruai chhuah chu ka phal tawhlo " Thinrim tih hriat zeta Amelia'n atih chuan Dandani nen phawk zetin kan in en a, Dandani'n athlengsil lai adaha inthurual zetin choka aṭang chuan kan chhuak

" Ka fanu ani a, hruai chhuak turin dikna ka nei " Chunu chu kala hmu ngailo, an buaina lah ka hre ve bawk silo

" Ka dawhtheih lai hian chhuak mai rawh, ahma ang mai mai kha chu ka ni tawh dawnlo ania, i reh mai ringin kan dawh hram chea i pawngpawrh tulh tulh mai " Pu Imanuela'n ati hluk hluk, Fela bulah naupang pathum chu an ding khawm ṭai a, an hlau deuh nge Fela chu an chelh tlat hlawm

" Min vo ve ami? I duh ang chuan tila, ka hlau lo che u ka fanu kha ka bulah a awm tho ang " Chunu chuan ati tawn tawn

" Va hawng rawh court lehkha i hmuh vat in ring bawkla, Noah pawh duhthlang tur khawpin a upa tawk tawh alawm, dan ang chuan kan chingfel dawn nia " Pu Imanuela bawkin ati leh nghut, chutia atih takah chuan hmeichhenu chu a zak leh deuh nge 

" A birthday ah lenpui ka tum ve mai ani, tinge in thinrim vak " Ati tim daia

" I lenpui apiangin thu laktlak loh leh awm anglo tak tak i fah chamchi a, Noah hi naupang rilru thianghlim tak ania a rilru i suk sak zel hi kan duhlo, i duh chuan lokal in lo hmu rawh mahse, hruai chhuah kan phal tawhlo " Amelia chuan ati ve a, Phun hlak hlak chungin hmeichhenu pawh chu a chhuak ta a, Dandani nen pawh choka ah kan lut leh nghal

" Khanu kha U Ima nupui hmasa unaunu ania Zomuani anih kha, Noah hi afanu ania akhat tawkin buaina hi alo siam ve sek zel, Papuia te lam hian ngawih hram tur an tia khin en ah pawh an en ngailo ania, a pawngpawrh tulh tulh " Dandani'n ati hlak hlak, Ngawi rengin abulah chuan ka ding leh a, Amelia tan hian aharsa ve ṭhin viau ang ahrin pawh nilo naupang pahnih lai a enkawl a, ahautak dan tur chu ka ngaihtuah phak lo zawk. Ka ngaihtuahna pakhat erawh chu mi hausa chhungkua te khawvel hi alo hlimawm lutuk bik hauhlo, mi rethei, in changkang leh sum tam neilo te nen adanglam biklo a, mi retheite aiin buaina an ngah zawk hial ang, an nunram hrechianglo in an pawnlam kan thlir a, sum hman sen loh an nei anga ngaiin an nun anuam viau turah kan ngai ṭhin hi chu kan tihsual lian ber ani. Kapa min hrilh ka hriat reng chu 'Khum dup nuam tak leh changkang tak hian muttui na alo chhawm tel hauhlo, Khum dup leh changkang tak chunga mu chungin muhil theilo in an let sek a, hahdam tuma mu ni mahse, hahdam lo zetin thawpui an la sek zel' atih kha kala hre reng, min hrilh lai khan ka hrethiamlo mahse, tunah chuan kan kumin hma asawn ang zelin tawnhriat kan ngah chho a, mi hausa te hian sum tam tak nei mahse, sum an neih tam aia letin buaina an ngah ṭhin. Mi hausa zawng zawng ka sawi chhanlo a, atam zawk erawh chu anni.

Vawiin ah in ka luah lut dawn a zingkar aṭangin kan la buai ve char char, chaw eikhawm kha kalo ti ve tawh kher bawk sia, ka bungrua ho chu kan dah fel tawha chaw hmeh leh thildang leiin Fela nen bazarah kan kala, kan ṭhiante ka in luah turah an awm thung

" Ei chak i nei em? " Inkhai bawr deuha ka bula kal ve Fela chu ka zawta, ka khai ai zawng zawng akhaia abawr ve khawp mai

" Nei hranlo, vawiin atan chuan duhtawk ang, nakinah kan bazar leh zawk dawn nia, vawikhat ei anih chuan atawk rih" Ati teh duaha 

" Aw le, khawi kalo khaipui ang che " Ka tih chuan ' Angailo' ati tlat bawk si. Ka thawhpuite zawng zawng bakah boss leh director te pawh ka sawma mahse, vanneihthlak nge vanduaithlak pawh ka hrelo an hmanlo ve ve, An pahnihin thil eipui kalo tiam tawh sia, hun dangah kala treat tho an ngaih hmel, Ka ṭhiante ka sawm tel bawka Lawmi pawh ka sawm tel tho mahse, alo kal leh kal loh chu ama thu thu ani mai

" Sa chu inlo va lei nasa ve, tiang atam angai hleinem " Mafaka'n ati lawng lawng, Mipa lamin sa an siama hmeichhe lamin thlai hnah leh rah te chu kan thiam ang tawkin kan lo siam ve bawk Lawmi pawh alo kal ve a, ṭha deuh in ka bia a ani pawh apangai leh viau. Lalai leh Seni erawh nichin deuh aṭang khan an bo daiha, kan buai ve nak nak nen ka ngaihtuah zawm vaklo thung, kan inpeih thawkhata choka a te deuh bawk nen kei leh Dari tih loh chu an chhuak vek tawh

" Lalsangsang, lo chhuak teh u " Lalai'n ati lang lang

" Lalremruat, tikhan min ko tawh suh " Ti hlak chungin Dari nen chuan kan chhuak tho, Dawhkanah cake an lo daha 'Princess' tih an ziak bawk

" I promotion kan lawmpui che " An ti a min ṭhawng khawp mia Cake chu ka zaia, ka ṭhiante hi ka tan an van hlu tak min duhsakna leh min ngaihsakna zawng zawngte hi keihian ka phulo

" Inti lawmawm emai " Ka ti hliai ringawt, lawm lutuk hian sawi tur hi alo vang aniang, buaina engmah thlenglo in chaw te chu kan ei a, chaw kan eikham hnuah pawh thim thleng chuan ṭhiante chu anla leng a, an hawng hun mawlh ka huphurh mahse, zanin chu Lalai leh Seni'n min riahpui dawna Lawmi leh Bawihtei erawh nichin deuh khan an hawng tawh. Lalruatfela riah beisei pawh nichin aṭang khan 'In hlau ang ka riahpui ang che u ' ati deuh seka Lalai te nuih ati za khawp mai, Lalai leh Seni Fela tih loh chuan hawn zai an rel ta a pawn thleng kan thlah.

" Khumah Fela mu se keini chu pher phah ila chhuatah mu mai ang u " Lalai'n atih chuan asawi zawh rual rualin 

" Mu zawk ru inleng vek ang, ṭhutthlengah hian kalo mu mai ang " Fela'n alo ti zat

" Angailo ṭhutthleng atawi si ahreawm lutuk ang " Ka lo ti ve a, pher la chhuakin achunga phah tur kala tel bawk, Hmani ah kanu'n Mutbu leh rizai tih ang reng minlo thawna, Nu tetei khan puan nuam pahnih lai min leisak bawk. Amelia'n AC rizai an tih mai dehnuam deuh kha min lei bawka, ka ngaihtuaha vannei ka inti ṭhin duhsak tu ka ngah lutuk hi ka phu vang nilo in Pathian malsawmna ani tih ka hria. Lalai remruatdan chuan kan mu ta a

" Ahmaa kan ṭhian ho kha a ngaihawm " Seni'n atih chuan kan pawmpui khawp mai, Lawmi'n Saipuia alo duh ve kher hi abuaithlak chutih laiin duhna hi kan duh vang renga kan neih ani miau lo a, kan zing aṭanga Lawmi ahla ta riau hi pawm har kan ti tlang aniang

" Hreawm kati ṭhin keimah vang vek niin ka hria " Ka ti sep, eng nge ka tihsual ber ka hrelo, Sairengpuia hnenah Lawmi duh ve turin kati lui theilo a, ti turin Saipuia chunga thuneitu lah ka nilo, chutiang bawkin Lawmi hnenah Saipuia chu theihnghilh tum tura hrilh turin chakna leh huaisenna ka nei chuanglo

" I thiam lohna a awmlo, kan hmahuna khuanu remruat ani a, kan chunga thleng tur chu pumpelh theih ani ngailo, chu ai chuan fim tak leh hriatthiam tumin hmachhawn ila aṭha ber. thil hi angai rengin athlenglo a, thawmhnaw ngai reng tuman an inbel reng peih ngailo ang chiahin kan nunah thil pangai reng athleng anih chuan ninawm kan ti mai ṭhin, kan ṭhian inkara thil danglam lo thleng pawh hi adanglam ang taka lo hriatthiam tum hi aṭha nghak hret ila kan pangai chho leh mai ang " Lalai'n ati dap dap, keini aiin a upa lua silo a kan inrual khat renga mahse, kan pali zinga puitling ber ani, ani hi awmlo selang chuan kei ngei pawh hi ka beidawng ve ṭhin viau ang, harsatna ka tawh leh buaina ka tawn changin a eng zawnga thlir turin min fuih hram ṭhin a, Lalai chu engtik lai pawn a entawn tlak reng ṭhin

A tukah chuan Fela atho hmasa leh bera, Kan thawh ve meuh chuan thingpui alo siam peih leh diam tawh, thingtlang nula ka nih vang nge ka hrelo Zingah hian thingpui in ngei ngei turah kala ngaia, coffee tih te aiin thingpui hi ka ngaina zawk, Lalai leh Seni'n chaw ei hmain min hawnsan a, kan mikhual zaktheilopa erawh chuan chaw ei atum leh aniang hawn ala tumlo emai, Ṭhutthleng ah ake hlang chho in phone a en ve tehmiala

" Chaw i ei dawn mi? " Ka tih chuan a phone enna aṭangin alo hawi chhuak vuta

" I phal loh chuan ka eilo ang " ati leh khera ngei zetin Ka melh ram ram

" I va han over tak " Ti hlakin chaw chhuan siam tumin choka ka pan nghal sawk sawk

" I inah lem eirawng i bawl ziaha, hetah anih vanga ṭhut tlat kher " Buhfai sil mawlh mawlh pah chuan kati a

" Heichu ka in anilo a, nangma in alawm " A ti ve tlat, hnial khan ahre reuh sia achut tehreng nen hian ṭawng hun leh mi hnial dan ahre reuh si, thluakfinga tih zawng zawng hi aneih zo a

" Kawtzawla I nu nen pangpar kan phun kha tui lo pe ṭha rawh aw " Chaw chhuan ka siam zawhah abulah chuan ka ṭhu ve a, eng nge ahriat ni Lalai te hawn aṭangin phone ala khawih ve char char

" Phawila hetah phun mai rawh, pangapr ka ngaina lo " Min en mang hleilo in ati

" Eng nge i hriat a, min en miahlo a min chhan char char " Ti vakin a tukhumah ka nem sawka

" Huatthuchhenu " Atih pawh chuan ka en peih tawhlo

" Professor ho in thil kan sawi ho lawk alawm " A tih pawn ka lungawi duh tawhlo

" Sawi ho ru, ka tibuai ang che eirawng kava bawl ang e" Ka ti a choka ah pawh lutta lo chuan pawnah ka chhuak daih, tuna ka in luah chu alun lai tak ani bawka motor thawm leh ri neuh neuh atam ngei mai, Fela in nen chuan inthlau tak ani. Ka tihtauh deuh reuh vangin ahawng tur pawh ka thlah ṭha em emlo a, min thlem pawh atumlo reng reng, ka titau tih ahrethiam veleh reng awm sia min ngaihthah lutuk chu ka lawmlo lutuk. 

" Niminah kalo kal hman silo a, min treat ila ba tho ania aw" A room ah ka luh rual boss in alo ti nghala, lungawi loh ruk nen ka beng sawk dawn mawni

" Naktukah ti ila Director nen kan pathumin " Ka tih chuan abu nghat

" Naktuk aṭang chuan he room hi i luah ve thei tawh ang, vawiin ah ka hna thar ka thawk ṭan dawna " Mitko min san euh a, lungawi lo viau e tilo chuan ka nuih hak hak, ka thinrima ka lungawi loh pawn ka thin tirim tute chungah bak ka tilang ngailo ka tih kha, harsa deuh ṭhin mahse, ka insiamrem ve hram ṭhin.

" Boss, ngaihzawng i nei em? " Ka tih chuan phawk zetin min en

" Ka duat lutuk che a boss zahna i tlachham riau, chhuak tawh rawh " Ati hluk a athinrim lo tih ka hre tho, thil ka sawi phawng phawng zel hi insiamṭhat ka ngai, a hun leh hmun hi ka thiar hman thlawtlo ṭhin, heihi ka ṭhan mawh bawk ania. Hna ka thawh mawlh mawlh laiin Fela'n minlo call a ka laksak lo ṭep ani

" Princess " Call ka chhan ruala alo tih dut pawh chuan ka ner nang

" Eng nge " Ram hmarhin kati a

" Ilo lungawi lo ami? " Mak tih hmel zetin alo ti hluai, tukinah khan lungawina tur pakhat mah a awmlo

" Lungawina tur a awm ami? " Ka tih leh chuan

" I inah ka wallet ka theihnghilh, i hman chuan minlo pe lawk dawn mile ka mamawh bawk sia " Alo ti dam thluam

" Min tir tur ringawt in ami minlo biak " 

" Tukinah i nui hmel ka hmulo a, ka awm anuam theilo ka hmu chak che " Lalruatfela hi ka eilo lutuk 

" Dah mai mai teh " Ti hlarin keimah zawk chuan ka daha

" Bawihte tihtur ka nei lawka ka chhuak lawk dawn asin" ka bula Bawihtei ṭhu chu ka rawn a

" Kan boss ini tawh alawm, chutiang min dil tawh suh " Nui sangin ati ve miala alawmawm ah ngai ang

" Kalo let harlo ang " Ka ti a, ka chhuah pahin 'Ka chhuak lawk dawn ka reilo ang ' kati a, Dari leh Miriami'n ka kalna tur an hrechak leh ngawt ang. In ka thlenga khum bul dawhkanah a wallet chu alo let bal mai, Wallet chu la in ka chhuak leh nghala Taxi in an Lab lam chu ka pana ahla reuh si taxi fare pawh ka chawi ṭeuh dawn anih hi, ka inluah avangin ka retheih tehlul nen min ti rethei zualtu bialpa ka nei anih hi ahre khawp ang a pawisa hi ka hmang dawn chiang lutuk. An building ka thlenga Taxi fare ka pek laiin Fela alo kala, Taxi in min tlansan hnu chuan

" Ka wallet ami alaw i pek? " A ti hluai

" Anih mai loh ten, Pawisa ka nei hleinem " Ka ti kha kha, nui hawkin a wallet ka pek chu ala a

" I thluak hi i van hmang tak " Ati ve khanglang

" Tun thla chu ka rethei lutuk alawm " Ka ti ve nang nang

" Ka fiamthu anih kha hmanna chang i hria kha i fakawm" Ati leh khera rum deuha ka en reng takah chuan

" I bialpa hi mipa zei tak ka nilo a, kei aia nachang i hriat hi aṭha " A sawi zawh rualin a nakah ka nghawk sak sawk, a au ṭhawta ala au ring em em leh nghal

" I van bengchheng tak " Ka tih chuan lawmlo zetin tur khaiin min en a 

" Kut min thlak pawp tawh suh " Ati hluk, ka mengkual ralh a ka chhang tawhlo

" Tinge taxi kha ka kaltir reng reng le, let leh nghal ka ngai ania " Tunah ka hrechhuak leh chiah, let leh nghal tur kani reng sia taxi kha lo in nghah tir ila aṭha nimai tur

" Let rihlo ang " Tiin min kaisawn nghal daih

" Hey..hnathawk lai ka nih hi aw ka let leh nghal angai " Ṭang ṭungin kati a min pawt hneh si ka talchhuak thei hleinem

" Areilo ang ka hnathawhna pawh minla hmuhpui hleinem, zingah lah tum vuau in min thlaha " A tih chuan zinga kan inthlah lai ka ngaihtuaha ka nui tawp, thlah loh chu ni chiah in ka hre silo a ka titau bawk si tum vuau in pawn thleng ka thlah kha ania

" Tukin kha chu i sual ve em alawm, ka zawhna min chhan dan kha ka lungawilo a, ka lungawi lo tih i hre ve renga min thlem pawh i tumlo " Sawi loh ka tum thleng thlengin ka sawi leh vek tawh

" Ka thlem che chuan class ka tlai vek dawn a " Ati anih chu! hepa rilru tenawm zia hi

" Hura hur viau turah min ngai ami? " Ka ti hlar, ka ṭawng ring deuh nge ding chawtin ka hmui min hupsaka

" Hur lam anilo, min hip vang zawk " Min siai pah suk kher lehnghal, rilru hmul lutuk mai kan inhriat tirah kha chuan hmeichhia a hlau niin ka hria ania tunah te chuan ngaihtuahawm khawp ani tawh

" I kawr kha phelh teh, kalo ha ve chhin " Coat var fual ahak chu ka phelh tir a, ka inthawlh nghal sawk sawk

" Doctor nih ka chak ṭhina ka chak chhan pawh doctor coat hi nalh ka tih vang ania " An lab kan thlenga lab chhungah chuan thil malsak pui pui atam lutuk, keia hriatna mai hian a hrethiam phaklo e

" Ka in hmeh em? " Fela kawr chu ka tan chuan aseiin alian leh deuha mahse, ka ha ve thei tho nalh inti zetin ka inthlek kuala, ka awmdan chu Fela'n uluk zetin min lo en reng

" I in hmeh lutuk, i sexy " Ati tel pah khera nghal khat chuan anghal ve ani, Lab chhunga maksak pui pui chu min hrilhfiah ve ngeia mahse, asawi zawh rualin ka theihnghilh nghal zel 

" Zanin chu kalo leng hman dawnlo a, inleng i neilo anih chuan kawngka kalh ang che, Zanlaiah I hriatchian loh chu kawngka hawn sak bawk lo la " Atih chuan ka bu nghat Hna ka neih ve miau avangin abula awm reng chi ani bik silo a, Lab aṭangin kan inzui chhuak leh hnak hnak

" Aw le, i hman hunah minlo be rawh aw " Ka ti a, Taxi min pharsak thlap a kan tlanliam chu min thlir zui reng tih motor side glass aṭangin ka hmu thei, an lab ah khan midang tumah an awmlo a thil eiin an chawl ve te pawh aniang.

Zanah chuan inleng ka neilo a mahni chauh chuan thil ei atui mawh khawp mai, thim hlimah U diki alo chhuk zawka mahse, a fate angaihtuah avangin a awm reilo, U diki chhuah rualin kawngka ka kalh nghala, Fela pawh ala buai nge ala reh vung vung mai. Mahnia in han luah ve meuh chuan tuang tih chhah angai dawn khawp mai, thawm eng emaw hlekah ka hawi kual zawk zawka dawihzep chi ka ni bawk si ahahthlak dawn ngar ngar hle mai, Mampuia lo awm chho ve rawh ti dawn ila nupui anei dawn bawk si, in ka luah ta chu ka inchhir lek lek ani. Ka period lai phei chuan ahma zawng aiin ka dawih zuala thisen a chhuah reng vang pawh ani maithei. Kanu ka call ta ringawt a

" I lungleng ami? " Alo ti lang lang, kanu aw ka hriat chuan ka hahdam veleh ta deuh

" Lunglen chu ka tuar thei, dawihzep lutuk hi chu ahreawm" Ka zep kual peih vello e

" Iti ṭhang anga ngaiah ila nei ve mai angṬawngṭai tam bawk la, i nau lah nupui neih atum ve bawk si " Alo ti a, kanu hi chuan min ngaihtuahzia asawi ve duah ngailo mahse, min ngaihtuahlo tihna phei chu anilo a

" Dawihzep te chu ngaia neih theih pawh anilo " Ka tih chuan

" I thil hlauh te kha atakah a awmlo, i rilru in hlauh tur adap kuala, awm hleilo ngaihtuatin i hlau mai mai alawm" Alo ti dam diai, ka hlau deuh bawk nen kan inbe rei zeka kanu pawn ka awmdan chu ahrethiam nge call adah mai biklo

" Pathian i hlat mawlh hi ka hlau ṭhin bawihte, Pathian hi chu kan kulhpui ani a, kan kulhpui kan himna ber kan kalsan tlat chuan buaina te hi ahnai bik ania " Kanu'n alo tih chuan ka ngaihtuahna avakthui ve khawp mai, Fela nen kan chetsual aṭang khan ka inchhir vang nilo in Pathian lakah ka inthiamlo tlat a, thil diklo leh sual ka tih miau avangin ṭawngṭaite hi ka tim tlat zel. Kanu nen kan inbiak zawh meuh chuan atlai duai tawh mai Fela pawn wgatsapp ah msg min lo thawn ve ngei hi, a msg ka chhanga a seen rualin alo call nghal

" Phone i hmang rei lutuk " Alo ti nghal tawng

" Kanu nen kan inbia alawm " 

" I lungleng ami? Hreawm iti em? " Min ngaihtuah zetin ati zung zung

" A khawhar thlaka mahse, hreawm chu ka tilo " Ka ti ve a, a thaw suai suai ri te chuan min ti thlamuang huai huai thei mawle

" Naktukah tukṭhuan kalo eipui ang che, kalo lan sek chuan min nin ka hlau tho na chungin " Nghal zetin alo ti leh khanglanga ka vaw chak ṭhin ania

" I over e " Khumah chuan ka letkual sek

" Vari pawn angai che aniang, i awmpui zawk dawn nia " Alo tih chuan

" Naktukah ilo kal chuan lo hruaila tiraw? thlakhat ka awmpui anga chumi hnuah nangin i awmpui veleh anga" Ka ti zung zung, Ka bday gift ni mahse, a khuahar ka hlaua ka awmpui ang atih pawn ka hniallo mahse, Keimah zawk hi ka khuahar daih zawk. Reife kan inbiaa keiphei chuan ka mutthilhsan daih, zinga ka harhin phone chu ka ke lamah alo awm daiha ala low em em leh nghal. Ka phone chu charge in bathroom ah ka luh san, Fela pawh nizanah ka mutthilhsan daih sia ahrilhhai ve khawp ang, Chaw ka chhum hmin hnuah eirawng bawl angai silo a, kawngka va hawngin Ṭhutthlengah ka mu leh ar ar a, Fb grp pakhata anlo inhnial na chu chhiar lo a thildang ensan mai ka tuma mahse, ka chhiar chak tlat an inhnial ṭanna hrelo mahila an inhnial chhan erawh In ngaihzawn laia sex hman kher angailo tih ang reng vel ani. Aṭhen chuan 'Kan in hmangaih phawtte chuan' te anti a atam mai, kei erawh chuan ngaihdan ka neilo a chiang taka ka hriat erawh Sex chu Nupa inkara thleng tur ani a chu chu siamtu siamdan leh ruat dan pawh ani, keini pawn siamtu ruat dan kan bawhchhia ani maia kan in hmangaih alawm tih vela phat kual angai pawn ka hrelo. Inkar ti nghettu anih phah lo kan chetsual hma khan Fela nen kan inkar chu a nghet sa reng Sawi duah dan pawh ka thiamlo e a. Mipa in an hmeichhe hmangaihte an khawihchhe duh ngailo an tih chuan ka ngaihtuahna ati thui viau mahse, ka hmelhriat pakhatin hetiang lampanga arilru min hrilh ka hrechhuak ' Mipa in kan hmeichhia te zahawmna humhim hi kan tihtur ani a, mipa zawng zawng rilru a in anglo, keichu ka bialnu hi ka hmangaiha nupui ah pawh ka nei dawn mahse, kan chesual ve tawh tho ka hmangaih loh vanga mutpui ka nilo a, ka ta anih loh ka hlauh luata ka hmasialna pawh ani maithei. a tenawm zawnga hma kan sial loh phawt chuan aṭha reng, mihring kan nia thil ṭha leh thu ṭha zawng zawng kan zawm thei biklo' atih kha ani, ka ngaihtuahna ka kawm mial mial laiin Vari bauh ṭhat thawm ka hriaa rang zetin ka tho nghal

" Inlo thlenna arei tawh em? " Vari chu ka pawm kanga, ka hmaiah mim liah atum leh tawh, a chik deuh ngher ngher bawka, min ngai ve tawh viau aniang

" Thil ngaihtuah ngut ngut zel suh " A ti a, anlo luh lai pawh hrelo in thildang kalo ngaihtuaha alawmlo te pawh aniang

" Fb ah an inhniala ka chhiara chu chuan ka ngaihtuahna ati thui deuh alawm " Ka tih chuan abu nghat, Vari pawm chungin ka ṭhu a ka bul setah alo ṭhu ve

" Eirawng bawl angailo, aṭhing ala awm ṭeuh a " Ka ti leh zung zung a

" Chaw kan eidun reng thei dawnlo a, chaw nghei mai mai te kha ching suh ang che, i pum ana leh vak mai ang " Ati a, asawi ka rin sa ania ka nuihsan mai mai, phone bawk chu ka ensan a an inhnialna chu ka chhiar zawm tawhlo, Tlau fashion lamin mo thuam an design an phochhuah chu ka en mai mai a, a cial in a changkang hlawm lutuk

" I ha ve chak em? " Ka bengbulah alo tih thut chuan ka phu zawk mai, ka phone ka thlauh lo chauh alawm le

" Min ti phu ziah suh " Ka ti ṭeu hlar

" Thinchhenu " Nui suk chungin ati a

" Analh kati a mahse, ka hak chak em em ka hrelo ka hak chak loh pawh ka hre chuanglo, hmeichhe dangte chu mo thuam an hmuh hian an phur ṭhina keichu ka phur hranlo." Ka ti sep sep, phur hluaina ka nei ngailo Fela nen kan intawn hma daih aṭang tawh khan ani, ka inhmeh ka rin loh lutuk vang pawh ani maithei

" Mo thuam mawi tak ha a, zahawm taka biak in hawnga innei te nunram diktak hi azahawmlo, chu ai chuan thup neilo a tlang taka kohhran hall a inneih mai hi aṭha zawk" A ti ve khauh a, Fela thilsawi hi chu adik leh thlup zel

" Inneih lam chu duhtawk teh ang, keini pawh kohhran hall ah kan innei lo ang tih a sawi theihloh " Uang deuha tiin ka nui pah har har

" Chute chu chiangsa alawm " Ka darah min kuahin alamah min pawthnai a kan nui dun hawk hawk, lungawi takin tukṭhuan kan eiduna kan hmahun hrelo mahila kan lungawi rih em em tho.

Tlai khat chu Fela in ah chaw ka ei a, in ka luah aṭang pawn ni tam aliam leh tawh, awmdun talo chu Fela nen pawh inhmuh aharsa ve ṭalh tawha ani zirlai ah abuaia kei lah ka hnaah ka buai bawk, karkhatah vawi2 te kan inhmu ṭawka msg leh call vcall erawh chuan kan hman hun apiangah kan inbe ṭhin, inhmuh zen zen theih loh takah chuan kan in ngai thei hnup hnup ania, kan awmdun laia 'Ka ngai che' pawh ka intih hman loh laiin tunah chuan call kala chiah ' Ka ngai che Princess ' alo ti nghal dut dut zel.

" Ka mikhual ruih tawh mai " Ka tih fiam chuan ka chalah na lo tein min pen zauh

" I lalna ram ala ni reng alawm " Ati ngeia, hetianga a awm chang apiang hian ka nuih ati za tlat zel

" Ka hriat loh in midangte ilo chenpui reng lo maw " Tiin room chu ka hawng a, nui hakin ka hnungah min zui ve zel, ka room ni ṭhin phei chu ka kalsan dan ngai ngaiin alo la awm

" I nghahhlelawm " room ka thlek dak dak laia atih chuan ka hawi let hu mai

" Engmaw i sawi? " Ka ti a

" I nghahhlelawm " Ati leh

" Eng nge awmzia " 

" I ngaihawm ka tihna " A tih chuan insum hmanlo in ka nui chhuak hawk

" Ṭawngkam thiampa " Kala nui char char, ti em em a ṭawngkam han thiam loh mai chu

" Min nuih suh " Ati nghuta ka nuih aza laklawh bawk si ka nui tawp mai theilo chu phun hlukin bangah min hnaih chilh nghal rawk a, ka nui tawp chiang teh asin Lalruatfela erawh chuan inti thei fe in min nuih vur vur

" Nui zel rawh " Chimawm zeta atih chuan ka hmui pet betin ka ka melh chho kar, min fawh hnu pawh chuan kala meng kiau a, Fela erawh in amit a chhing chial thung ka tet zawk vanga banga min nawr bet sek ṭhin avangin ka runluih ve pah hrim hrim ani

" Meng keu kuau suh, ka hlau mai dawn che alawm " Inla hrang hleka atih chuan asamah ka kehsaka aner nasa mai 

" I kawlh hlik hlek sia " Ti hlukin a inla hrang, a inlakhran hnu chuan a awmah ka nem ve leh khera hmeichhe Zaidam tak chu ka va nilo chiang tak, tikhan min fawp fail der anihkha

" Min thlah dawn nge, keimahin ka hawng dawn " Ka bula alo ṭhut chuan kalo zawt a

" Ka thlah ang che, hrilh tur che ka neia nakin deuhah ka thlah dawn che nia " Ati dam dapa, a hmel chu a serious riau 

" Eng nge i sawi duh chu " Ka ṭhutdan siamrem chungin kati a, Vari lahin pawm alo ngen ve sek bawk si ka malchungah ka muttir leh ta nge nge

" Mizoramah ka awm thei tawh dawnlo " Zawi sapa atuh chuan a fiamthu anih ringin nui vur vur chungin Fela chu ka en a mahse, a hmelah fiamthu hmel reng lang lo

" Tinge? " 

" Foreign ah special session kan nei dawn, India ram aṭangin thlanchhuah zingah ka tel ve a " A tih leh chuan thawm areh tlawk tlawk

" Kal i tum tihna ami? " Hetiangte tinge ka zawh A kal tur thu min hrilh mek tak alawm

" Min chhang leh suh ka hria i kal dawn, engtia rei nge thang ang " A thu min hrilh hian min ṭhawng lutuka a ka buai nuai rih 

" Thlaruk aia reilo chu ani lovang "

" Ka hrethiam e " Ka ti tawpa anihna takah erawh ka hrethiam hauhlo

" Kar kalta khan ka hria a mahse, hrilh hriat dan tur che ka hrelo aharsa ka ti bawk " Lalruatfela chu ka en ngawt ngawta, ahmelah hreawm ati ve tho tih ka hria

" I tan eng nge ka nih " Ka tih chuan abeisei loh tawp zawhna anih vang nge ameng kawka mahse, a insiamṭha leh vat

" Ka Hmeichhe hmangaih " A sawi zawh rualin ka khi sak

" I hmeichhe hmangaih hian i nunah pawimawhna ka neilo anih hi tiraw? " Ka tih leh chuan alu thing nawkin 

" I pawimawh " A ti nghut

" Aih ka Pawimawhlo, pawimawh ila chuan thuthlukna i siam dawnah min rawn ve em em ang " Eng ber hian nge min ti lawmlo pawh ka hrelo

" Kan in ngaihzawn tirh te khan test kan nei a, diktak chuan kei aiin Siama'n atih ṭhat zawk ka ring, Test nei tura inbuatsaih lai vel kha i zun a ka uai lai ani a, nang tih loh ngaihsak em em ka neilo, ka tlin ka ringlo hrim hrim " A bialnu ka nihna angin lawmpui tur kani a, a thil chan hi a raopui em asin mahse, min kalsan ka hlauh vang nge ka lawm thei miahlo, kawppui hmasial tak zawng kani ngei mai

" Kal suh tita che ila i kallo ang em? " Ka tih chuan min en zawkin hnuailam a bih vang vang 

" Bialpa hlawhtling neih i duh chuan min kaltir chu angai alawm " Lo hawi chhuakin inringtawk zetin ati a, chiang deuhin min en kar bawk

" Kan in ngaihzawn hlim a in test dawnah khan tinge min rawn veloh " 

" Thuthlukna ka siam dawnin tumah ka rawn ngailo a, thuthlukna ka siam zawh hnuah midang ka hrilh ve chauh ṭhin, ka tih ṭhan ani a ngaiah ka nei tawh ani. Khatih lai khan inbuatsaihna ka neilo a ka tlin ka ringlo takzet, chu chu min hriatsak rawh, ka tana i pawimawh loh vang anilo" A ti ve duah

" Ka hrethiam e, atirah khan min ṭhawng deuh ani" Harsa deuhin ka nui lui hrama, Engvang tehlul in nge a hlawhtlinna kawng chu ka dal tehlul ang

" I lawmlo anih pawn ka demlo che mahse, thil pakhat min hriatsak la, tun anga hun ṭha hi ka tan a awm tawh ngai dawnlo " Min ṭhuthnaih sauha ka kut chu nghet deuhin a hum vang vang

" Lawmlo tur kani hleinem, lawmpui zawk viau tur che kani alawm ka bialpa hian inbuatsaihna mumal neilo pawn hetiang dinhmun ah i ding theia inbuatsaihna ṭha tak nei phei la chuan chungnung ber ini ngei ang " Phur hmel deuhin ka ti zat zat mahse, ka phur hranlo min mawlh tlattu thil kha he thil hi ani maithei

" Tun ṭum session hi a zawh hunah chuan ka gruaduate ve tawh anga, Mizoramah ka awm leh thei tawh ang " 

" Mizoramah i hnathawh tur a awm ve dawn mi? " Ka tih chuan anui a

" Mi hnuaia hnathawh ka peihlo, Professor robert ang hian school ka hawng ve ang " An professor chu a chhuan hmel khawp mai, an professor hi thlalak ah chuan ka hmu tawha atakah kala hmulo hrim hrim

" Engtikah nge i kal ang " 

" Tun thla ah ka kal angai, kan hmalam hun atan reilote chu hreawm kan tuar ve angai dawn a, ka ta chauh ini reng thei ang tiraw? " A tih chuan

" Ngawi lawk kan in ngaihtuah lawk " Uang zeta ka tih chuan

" Lalthansang, min fiam kual vel lo mai teh " Ti hlukin min kuah bet a min kuah nghet si ka rak chul mai 

" Min thlah rawh, ka thaw thei dawnlo ania " Ka tih chul chuan min thlah thawl ve deuha min la kuah tho

" I kalna turah chuan kan ni hmandan a in ang dawn silo, buaithlak dawn e " Ka ti niah niah

" Mu lo in kalo be ṭhin mai ang che " ati a eilo zetin ka nerchhiat khum vak, a tlai tak tak hmain min thlah a hnathawh tur aneih vangin lo lut ve tawhlo in a let lehnghal, in hlat deuha awm tur anga ka ngaihtuah chuan ka mittui ahnai kuar thei mawle, kar hla ah chuan rinawm reng ahar antih te ka hre ve fo a, chutiang mai mai ngaihtuah chuan ka muhil thei lo hrim hrim, Fela nen lah nichin ah kan in muttui tawha ani chu amuhil tawh maithei, zan muttheih loh hi ka nei khat ania Lalruatfela vang vek ani. Zing lamah ka muhil ve aniang ka han harh leh meuh chuan khua alo eng uar tawha ka ṭhu chhuak nghal hluai mahse, vawiin weekend ani tih ka hriat rualin hlim zetin ka mu leh nghal zat, vawiin chu mu char char ila ani mai alawm.

Cont..