Lunglawm Tikimtu chapter-20

 Naktuk hi Fela kal hun tur ani tawh a, vawiin lam chu nilengin kan awmdun dawn ani, a hlawhtlinna tur rahbi hmasa ber ni mahse, keimah min kalsan ahreh ve tho tih ka hriaa, hreawm ti ru deuhin ka fuih ve hram hram

" I kal lakalwh dawn e tiraw? Christmass te chu hetah hmang law law la aṭha tur ania " Park ah kan leng a, ahmun anuam in lenna atan chuan duhthusam ani

" I bula awm chu khamlo viau mahila kalo let leh thuai theih nan ka kal hmat angai alawm " Ati a

" Ka ngai dawn che e " Ka ti vang vang, hmu tawhlo tura ka in ngaihtuah chang hian hreawm kati a ka pik ngawih ngawih zel

" Keipawn ka ngai dawn che " Ka kut chu nghet deuhin avuan a, Midang awmve an tam sia an mitmei chu venglo ila ka kuahbet char char ang.

" Kei aia chhelo leh hmelṭha an tam dawn sia " Ka tih chuan 

" Nangmah chauh alawm ka duh " Ati nghet charh, Nileng chuan park ah hun kan hmang duna, tiffin ah eitur kan pai bawka anuam khawp mai. Tlaiah pawh dinner eichhuakin ' Min insiam pui rawh' atih avangin ama inah kan hawnga

" I kentur lo dahchhuak la kalo thleh sak ang che " A room ah kan awm a, a thawmhnaw bawm hawngin a kentur ho chu a thlangkual diat diat, khumah alo theh thlak apiang chu kalo thlehsaka a luggage ah ka khungsak nghal zel, a thawmhnaw ka thlehsak laite chu ka mittui alo far leh ṭhin, ahriat hlau zetin ka hru hul vat vat zela, athil sawite chu 'umm' tih bakin ka chhanglet lo hrim hrim, ka ṭawngchuah chuan ka ṭap nghal thei ang chuti khawp chuan ka ṭah achhuak. 

" Ken tam vak angailo ang a " Ati a ka tukhum zat mer mer danah min en reng tih ka hria, ka chhan loh chuan angaihṭhat loh ka hlau sia

" Tawk ang, i mamawh anih leh i lei belh thei anga " Ṭah chhuah hlau zetin kati a, Fela chu angawi ve vang vang thawmhnaw alo dah tawh bawk silo 

" A tawk tawh ami? " Ding mar paha ka ti zo chiah hnunglam aṭang chuan nghet deuhin min lo kuah chawt

" Ka bulah lokal ve mai rawh " Ka nghawng chu aṭawng zawngin ati lum hak thei

" Iti anglo emai hna ka nei alawm, Pathianin min awmpui anga ilo let leh vat mai ang " Ka tih chuan min kuahna ti nghet salhin ka darah akhabe anghat a

" Hreawm iti lai hmuh hi hreawm kati " A phun sup 

" Ka ngai dawn che a ka insum theilo alawm, hreawm ti tawh suh " Hnem dan vak ka hre chuanglo, hetiang taka ka hmangaih hman hi amak ka inti, min kuahna thlahin alam hawi turin min kuai hera

" Zanin chu hetah riak maila " Ngenngawl deuhin ati a, amit ah chuan min thlakhelna ka hmu thei

" Riahdun chiah aw " Ka tih chuan anui suka, lo kun hniamin ka bengbulah

" Umm, riahdun chiah adang chu kan tilo ang " Ati leh kher, ka bengbulah aṭawng sur sur bawk si za duh tak mai ania

" I ngaihtuahna ti hmul miah suh " Ka ti a

" Kan inhmuh loh rei dawn nen ka phu iti lo ami? " A tih leh chuan a ngalah ka petsak chawrh

" Ana " A ke chu khaiin a bai auh auh a

" I rilru ti hmul suh ka tih kha, ka hawnsan daih mai ang che " Ka ti kha kha, khuma ṭhu chungin a ke chu atuai hauh hauh a

" Uikawmnu " Ati leh mauh mai.

A tukah chuan Fela aiin ka harh hmasa a, hnunglam aṭangin nghet deuhin min kuah chial a, a muttui hmel sak sak khawp mai, tih harh hlau zetin alam ah ka inlet a ahmelṭha zet chu ka thlir vang vang amit achhing chiala asam a phir sang bawk si, hetianga hnai hian atakah ka hmu leh khat dawn si. Ka phone banin ka hmet eng a thlawhna ah chuan aduh ve anih chuan athawh chu a hun tawh viau ani, ka kaitho lo zawk mai dawn nge ka ngaihtuahna avang chuan ka ṭhen sak, mihring rilru hi alo chhe thei khawp mai mahni hma kan sial thiam ṭhin si

" Fela " Ka ko zawi bawka aharh mai lo, abiangah ka dawmsaka 

" Fela " Ahma aia ring deuh zawka ka tih leh chuan alo tal ṭalh ṭalh, peihlo zetin alo meng siar siara, uluk takin a landan chu kalo en reng bawk si, ka en reng tih ahriat chuan anui suk

" Ka hmelṭha thar thut ami? " Ati tham ṭuak a, a tho phang aw chu hriat ahar mah mah 

" I uang ami? " Ka tih chuan ka awmah ahmai aphum sut sut a, a sam chu ka khawihsak neuh neuh

" Princess " A ti a

" Thlawhna ah chuan i duh chuan tunah hian ithawh angai tawh ania, kal chhung nen i tlai ang tih ahlauhawm" ka tihsan daih 

" Ka tuina ber ka zira ka phurin ka hlim ṭhin mahse, tunah hian avawikhat nan ka peihlo em em chu ania " A in beng kanga chiang zetin min en vung vung

" I phurna tibo tu nih ka duh miahlo ania " 

" Chutiang lam anilo " Ati a atho nghal nghal nulh, towel kengin room aṭang chuan a chhuak nghala, keipawh ka tho ve nghal chhuata Fela luggage vel ka hmuh chuan ka hnual leh rawih rawih ka kawchhung hi ṭham nawk nawk ang mai niin ka hria, Fela lo luh leh hma chuan mutna chu ka tifel a, Fela lo chhuah veleh bathroom ah ka lut ve nghal. Kan in eipuar hnuah Taxi in Airport kan pan a, kan ngaihtuahna kan kawm vang nge kan inbe lo hrim hrim.

" Anlo thlah ve dawn che ami? " Airport kan thlenga Saipuia leh Mafaka anlo awm ve reng

" Nizanah kan inbia alawm " Fela chuan ati a

" In hmel hmuh ahreawm tlat " Nui vur vurin Mafaka chuan ati a, ka nui lui peih thlawtlo

" Tluang deuhin aw, Sangi pawh lo ngaihtuah suh Kanlo ngaihven reng ang, i ai awh in " Mafaka'n atih chuan Fela chu abu nghata

" Sangi lakah eng rilru mah ka pu tawh lo ania, ngaihṭha deuhin awm rawh " Saipuia pawn Fela kuah thuak pahin ati a, a bengbula asawi ruk sur sur erawh ka hre ve thei tawhlo. Fela kal liam chu Mafak leh Saipuia te nen kan thlir liam

" Ṭap nghal ringawt suh " Mafaka'n Fela kal liam hnuah atih chuan 

" Ka ṭap bawklo " Ka ti a mahse, ka mittui ahnai kuar tho

" Saw laiah sawn kal kawina tur ka nei a, in pahnih in kal hmasa mai ru " Mafaka chuan ati a min kalsan nul nul

" Ṭhian ang te chuan kan inkawm thei reng alawm, min ngei tawh suh " Nui vur vur chungin Saipuia'n ati leh pek

" I over thei emai Sairengpui " Ka mit nuai chat chat chungin ka ti hlak

" Ka ngaihtuaha kan pahnih hian Ṭhian ni tura ruat zawk kan ni, ṭhian ang chuan kan in pawh em em a kan in ngaihzawn lai pawh khan in ngaizawng ai mahin ṭhian kan ang zawk iti ve em? " A ti leh bawrh bawrh, Ahma pawn ka sawi tawh kha Sairengpuia chu mipa harhvang leh ṭawng tur hre lutuk ani ka tihkha, ṭhian kawm nuam leh fel tak ani, kan inṭhen tirha ka ngaihtuah ber pawh ṭhian anga kan in laichinna kha duhtawk mai ila tih ka ngaihtuah anihkha, tunah chuan ṭhianṭha tak kan nih leh theih tawh ka beisei

" Iti dik maithei " Ka tih chuan anui leh huk, Taxi in kan hawnga Ka inah min thlah hmasa, mahni a ka awm takah chuan Fela bawk ka ngaihtuah leh a, Ka vannei a lunglen hi ka hre vaklo khawi hmunah pawh awm ila ka tlei nghal thei em em zela, lunglen bik riau chang awm ṭhin mahse, hreawm tham khawpin ka lungleng ngailo, Tunah lem Lalruatfela vangin ka lungleng nghal em em chu ani sia. Chak lo deuh chungin hna kal turin ka insiam, Duh dah deuha in chei chi ani biklo a phur lo deuh chung pawn zahawm deuha inchei angai tlat tawh ṭhin, Vari chu in ah ka kalhhnan leh tawpa nilenga amah a han awmtir pawh ka khawngaih reng mahse, tih vak ngaihna a awm chuanglo. In ka luah hran hnua ka kaisang hi Hlawh a pung ve tawh dawna atih zia khawp mai.

" Boss " Kan office ka lut a, Chimawm deuhin Dari chu a kun a, hetiang taka team te nen kan in pawh thei hi ka lawm

" Good morning " ka tih chuan min lo wish let sap sap a

" Hnathawh nuam u " Ka ti a ka room ah ka luhsan ve nghal, He company ah hna ka,zawm tirh khan hetianga sangah ka in vawrh chho ang tih ka ring phalo, Company ka join tirh rim taka ka beih laite kha ka ngaihtuah let ṭhin, Thawhrimna rah chhuah hi chu alo chhe ngai hauhlo, Ka thawhrimna rah chhuah hian min ti hlim em em ṭhin.

Boss han nih meuh chuan mawhphurhna asang khawp mai, ahmaa team leader ka niha mawhphurhna asang ka tih ve te chu tuna mi nen chuan tehkhin chi pawh anilo mahse, ahunlai kha chuan ka zawh tawk mawhphurhna kha asang ve tho a, ho lam takin ka ngai phal chuanglo. Tlai hna ban hmain team meeting kan nei a, Chrstmass chawlh ahnai ta bawka kan phur hlawm riau

" Tun ruahmanna kan siam lawk chuan hna kan ṭan leh hunah kan buai chuk chuk lo anga kan tan aṭha " Ka tih chuan an pawm tlang ve viau a, ruahmanan te siamin aṭha ber tur erawh Hna kan ṭan leh hmasak berah kan ngaihtuah ṭha leh ang, vawiin tih loh ni3 chiah hna kalna hun kan nei tawh.

" Lokal rawh ka thlah kawi pah ang che " Ka bulah Tea alo ding a, Ka in luah ahnai tho sia ka tia, ke in hawn mai ka rilruk deuh ania

" Angailo kati khawtlai ang che bakah, ahla tawhlo a " Ka tih pawh chuan

" Tlansan vang vang che anuamlo alawm " ati tlat bawk sia Tea hnungah chuan ka lawn leh ta nge nge

" Thingpui lo in kawila, coffee pawh a awm " Min thlah ve meuha kaltir leh tawp chu anuan kati chiahlo

" I phal te chuan " Ati a bike a hung ṭha nghal sawk sawk, Keimaha ka awm chuan ka ngaihtuahna ka kawm leh char char dawn sia, mahnia awm chu chak viau tho mahila Tea lo leng pawh alawmawm ah ngai ang

" Inleng i nei dawn alaw Sangsang " Pu Saia chu an varanda ah alo ding a, Tea nen kan kal min hmuh chuan min lo be tehmial

" Anih hi, vawiin chu i office na nge " Ka ti let luama in ka luah hnuah Pu Saia nen tak hian kan inhmu vaklo, a nupui leh a fate chu ka hmu deuh reng an fate pawh anla naupang ve hlawm lutuk, an upa ber erawh Phai ah a awm daih engti berin nge a awm pawh ka hrelo, chuti khawp chuan kan in pawhlo U Diki nen pawh inbe luam ṭhin mahila mimal chanchin kan sawi dun vak ngailo

" Ka nuamsamlo deuha ka chawl anih hi " A tih chuan 'Ava zialo ve' kati a, min chhang zui tawh biklo bawk nen inhnuaiah kan chhuk

" Fela chu lo thlah ve ka tum ania thawh ka hai khanglang alawm, azialo tak tak ani " Inchhung kan luh hnuah Tea'n ati bawrh bawrha, a inthiamlo ve deuh ani maithei a cousin ani ve a thlah chu atih tur pawh ani ve reng athlah lo anih pawn demawm ani chuanglo

" A ho lutuk nuamlo ti suh, Mafaka leh Saipuia'n anlo thlah ve a " Nuamlo atih ka hlaua ka ṭawng zung zung

" Coffee nge Thingpui i duh zawk " 

" Thingpui sen hang lo ti rawh, a awlsam zawk " Ati a, in ka luah tirha chaw alo ei ve bak kha chu tun hi alo kal leh hmasak ber ani

" Coffee pawh a siamtheih ania, ilo inthlahrung vel ang e aw, Boss in in ka luah khan min indan nan Coffee machine min lei a, a awlsam lutuk " Ka ti bawrh bawrh a, mipa hi ṭhian anga kawm bawrh bawrh hi nuam kati ber, ṭhian anga kawm theih loh min beisei tlat ang hi chu ka hlat hmak zel bawk

" Inthlahrung teh nang, coffee hi ka ngaina vaklo " Ati maia, thingpui ka siamsak zawhah abulah hunsakin

" Kava inthlak lawk aw " Tiin room ah ka luhsan nghal, ka thawmhnaw hak hi ka ning tawh lutuk, ka inthlak zawh hnuah ka chhuak leh a

" Engtik nge in khua ah i hawn leh ang " A piaha ka ṭhut ve mek lai chuan ati a

" Ka hrelo chawlh te hi han nei ve phawt ila, kanu leh ka nau te bazar turin anlo kal maithei a, kala hawng lawk lo maithei ani " 

" A khawhar thlak leh dawn anih hi, keichu nitin hna kan kal ṭhin te hi nuam ka tia, in ah tihtur a awm silo " Ati ve nang nang, Fela hnen aṭangin an unau ah anaupang ber leh mipa awmchhun ania hna akal tih loh chu in ah engmah ati ngailo tih chu ka hre thawi ve tawha Fela pawn 'Anu ten an duat ' tih bak sawi thui tur ahrelo, a ngaihven lo ve hrim hrim. Tea chu a awm reilo a thingpui a in zawh hnu reivak lo ah ahawng nghal, ahawn hnu chuan kawngka kharin room ah ka awm a, Fela call alo lut ve chiah phur zetin kala a

" Kan in ah ka awm tawh " Alo tih chuan ka bo khawp mai

" Tute in ah maw? " Bangbo deuhin ka zawt leta mahse, ka sawi zo chiah ka hrechhuak leh nghal

" Ka hre leh si min chhang leh lo mai rawh, I nu leh pa te anlo dam em? Awi! Nuam inti awm " Ka ti nghal par par, ka phur chang hian ka ṭawng leh duah zela hei hi abuaithlak 

" Kanu leh pa te chu an dam a, nuam tih lamah chuan i awmlo a anuamlo " A inla ṭawngkam thiam lutuk chuan min ti lai lek lek alawm

" I thleng tluang maw? Min lo be har lutuka ka ngaih aṭhalo hman alawm " Ka ti nang nang, Tea awm lai pawh khan ka phone ka en chhen tawh

" Kapa ka pui a kalo be lawk theilo che alawm " Ati dam thlap

" I thlen tluan chuan aṭha, I nu te bulah i awm rei dawn em? " Khumah chuan ka let kual sek, phone ka hman hian ka awmdan ngai rengin ka awm thiamlo ṭhin.

" Naktuk ka awm leh anga chuan ka tumram ka pan tawh ang " Tunah pawh kan in hlat tawh tehreng nen, hei aia hlaah ala kal dawna thla6 emaw a aia tam a awm dawn bawk, thla6 aia tlem chu ani dawnlo tih amah pawn asawi vek, A tello chuan ni1 pawh arei duh ngawt ang

" Kan in hlat tawh tiraw? " Ceiling en vang vang chungin kati a

" Ka taksa chauhin ahlat che " Ril ruiha alo tih chuan ka mit ka chhing vang vang, kar hlatna in min dang ve dawn ta reng mai, hei hi kan inkara kan inzawmna ti nghet tur anih ngei ka ringa ka beisei bawk

" Ṭha deuhin in enkawl rawh aw, damlo miah suh ang che i damloh chuan ka ngaihtuah dawn che a, i bulah ka awm thei dawn silo " Ka ti a ka khap fak fak

" Ka tello in lo ṭap suh " A tih chuan ka nui haka ka mut miau avangin ka mittui pawh ka bekah alung thla nghal ngiai ngiai

" Ka ngaih hun apiang che in kalo be thei ang che tiraw? " Ka aw thunun zetin kati a

" I tan chuan hun ka insiam zel ang " Alo ti nghet charh

" Hmeichhe dang lakah chuan Thluakfinga tawp nila ka bulah chiah Lalruatfela ni ang che " Ka tih chuan alo nui hawk hawk mai

" Princess, ka thinlung ti nghing hmasa bertu ini a, keimah leh a kaihhnawih thil ah chuan inringtawk la, tina tu che ka ni ngai dawnlo " Alo tih chuan ka rilru pawh anuam huai huai thei, Lalruatfela hi ka ring tawk tur ani, atih loh tur leh ahlen loh tur thil asawi ve mai mai ngailo tlat a. Zanah inbiak leh tumin kan inbiakna kan ti tawp rih a, Fela'n min chah ngun em avangin eirawng ka bawl ve ṭan, chaw ka ei loh mai mai ahlau a min lo chah ngun lutuk, keipawn ka pum anat vak aṭang kha chuan chaw nghei mai mai hi ka ngam tawhlo, Nodless thak deuh deuh pawh ka ei ngam tawhlo bawk, eirawng ka bawl mek laiin U duhi alo lut veleh nawlh, a fanu kum3 miin alo zui ve bawk

" Saia'n inleng anei ati sia " Ahawi kual thuak thuaka

" A hawng leh tawh, thingpui alo in kawi zawk anih kha " Ka chaw hmeh chhuan chawk sawk sawk pah chuan kati a

" I bialpa nen khan in inṭhen tawh ami? " A tih leh chuan ka nui tawp, U duhi hi fel viau mahse, ka ngaina lutuk theilo engvang ber nge pawh ka hrelo afel lutuk vang pawh hi ani maithei

" Ṭhenlo e azin lawk dawna " Akal chhan leh atih tum hrilh kher ka tum lemlo, hriat ve kher chhan tur pawh aneilo, A fanu Pekpeki chu ka biak san daiha, Pekpeki hi chhawnchhaih anuam ber anui duh reuh si 

" Mipa te hi an rinawm mawh teh ania aw, hmuh reng theih loh ngaihzawng neih hi an thiamlo " Nui har har chungin ati a, Ngaihven tehchiamlo mahila

" Mipa zawng zawng an in ang hleinem " Ka ti ve kher

" An in anglo meuh mai mahse, mipa te hian in anna lai annei ve tho ania " A tih leh chuan ka chhang peih tawhlo, a puar lawih na tur pawh nilo a aṭawng tam lutuk chu ka ning deuh tlat, Pekpeki ngawt chu ka biaksana thildang asawi leh pawn ho mai maiin ka chhang

" Ka fiamthu mai mai anihkha, ngai thutak suh aw " Ati a Ka chhang ṭha vak peihlo chu nuamlo ati deuh pawh ani maithei

" Ka hria alawm " Tih chauhin ka chhang, an hawn dawn chuan Pekpeki'n aduh tlat lo a ' Au sangsangi bulah ka awm rih duh ' ati teh tlat, naupang chhawnchhaih hi ka thiam vak bawk silo naupang lah hian min ngaina ve thei zeka, ka sual tehlul nen hian 

" A duh hunah kalo hruai chho mai dawn mi? " Ka tih chuan U duhi pawh chuan ' Aw le, a tihbuai che chuan lo dah chho tawp rawh ' ati ve a, Pekpeki chuan thil asawi ve nuap nuap, naupang tih takah a thusawi chuan awmzia aneilo ṭhin lutuk a asawi uar ve ṭhin si arukin ka nuih ka nuih mai. Pekpeki awm ve chuan rilru ati danglama mahni chauha awm ai chuan hun hman ati nuam ve deuh, Chaw ei vela ka tih chuan aduh tlatlo a, tlai deuh tawhah an in ah ka hruai chho

" Au sangsangi bulah chuan i va tlei ve " An in kan lut chiah Pu saia'n alo ti nghal var, U duhi erawh alang mailo

" Apa au sangsangi bula awm chu anuam lutuk, min duat si " A ti ve ngeia Lalpekpeki mai mai chu'h lai zetin min dintir reng alawm, fakna hi chu tutan pawh dawnsawn alo nuam anih hi 

" Sangi ṭhu ve ta che, i inthlahrung thei lutuk " Pu saia'n atih leh chuan ka hnial zeta mahse, leng ve rih rawh antih tlat avangin bet lo zetin ka ṭhu veleh a

" U Duhi hi khawiah nge " Sawi mai tur ka hre bawk silo Ngawi renga ṭhut hi ka thiamlo ka tihkha

" Duata te homework atihpui aniang, alo chhuak mai ang " A ti dam thluam, pa sual lutuk chu ani lovang

" I damlo chu i zia deuh tawh ami? " 

" Zia tawh ani mai ka khua asik ve ngawta ka taksa ana ṭhum hian awm ati nuamlo zual " Ati veleh mai Pekpeki lah chuan Pu saia chu atibuai ve chhena Pu saia lahin ning hmel apu der silo, a fanu ania tinge a nin ngawt ang inlo ti maithei tunlai chhanah chuan pa ṭhenkhat hian an fate'n an tihbuai hi an ngaithei tawhlo tlat zel

" Anih chu damdawi lo eiṭha rawh, keipawh ka zu chhuk teh ang " Kati a ka ding nghal hluai

" Aw le, zanah te pawh lo tei chho ve ṭhin rawh, nangmah chauhin i awm sia akhawhar thlak ang, Duhi pawh engmah ati ngailo a " A ti leh luam

" Pekpek muttui aw " Ka ban ka vai zeuha nui sen sen chungin alo vai let ve lauh lauh, Pu Saia tein aṭanga ka chhuah chuan khua alo thim der tawh, thlasik ni areilo a zan arei antih hi chu ka pawm thei thlawt lo, Thlasikah mut ka kham ngailo ka mu ve ṭan chiah khua avar nghal daih zel, nipui ah lem zan hi arei em em a mahse, upa ten an sawi ani tlat si a keini lo pawm loh ngawt theih pawh ani silo. Zan mut dawnah Fela'n alo vcall a room light ka off vek tawh pawh ka han on leh ṭaih ṭaih, a vawt tawh si mut tawh phei chuan thawh leh hi a uihawm ngawih ngawih

" A vawt iti ami? " Vcall ka lak rual rualin alo ti nghal

" Chute chu sawi angai hleinem avawt tawh lutuk " Puan ka sin ṭha sat sat

" Keichu avawt ka tilo " A phone chu a keng hla deuha kawr halo in alo awm deuh ngei, ka ngei mai mai zia chu a

" I intithei ve deuh ami? " Ka ti hlak

" Chulam anilo princess avawt ka tilo tak tak " Alo ti zuah zuah

" Aw Lalfapa i lalfanu hian vawt kati " Ka tih chuan mawi deuha nuiin

" Kuah nawk nawk i chakawm " Alo ti a, chhan pawh chhanglo in ka nui kar kar, a ṭawngkam thiamlo lutuk hi a

" Min nuih ami? " A ti nghut a

" Aih, I kawr ha teh kawr halo a vcall ilo tih reng reng, inlak sexy ilo tum ve deuh ami? I itawm loh emai " Ka tih chuan ala na deuh nge, Kawr a ha nghal 

" Min it emai kawr kan ha daih ang e " Ati ve kher, a nghal ve reuh zia hi 

" I room chu anuam em? " A room ani nge nilo pawh ka hrelo, thil hi ka risk huai ve hrim hrim

" Anuam lutuk i en kual duh em " A tih chuan uar deuhin ka bu nghat nghat, a room chhung chu min hmuh kuala a zau zek leh nghal, heta a room nen te chuan in anglo tak ani. Nu tetei te hian Pa thana hnathawhna hmunah in an lei a Fela helamah a awm duh tlat avangin tuna Fela in hi an sa ve bawk. Pa thana hnathawh a turu bawka sum lamah chuan an buai vaklo, tunah pawh Pa thana pension huna an awmna tur in an sa mek a, Fela in chu a te anti deuh pawh ani maithei, Mizorama awm chu an tum ve khawp mai.

" I room kha i duhdana i chei ani chiang mai tiraw? A decoration vel kha a nangmah riau " Ka tih chuan 

" Midang min cheisak ka duhlo alawm " Alo ti a eng nge ka hriat ni chhaih ka chak leh tlat

" Anih keive ka chei pawh i duhlo maw " Nui duh miahlo in kati a

" Nangte chuan min ngam alawm, ka in pawh i chei danglam vek tawh " Alo tih chuan ka insum theilo ka nui chhuak leh ta nge nge.

" Lawk aw " Thil hrechhuak thut ang maiin akalsawn nulh a, eng nge atih ka hre bawk silo phone adah tawpa ceiling chiah ka hmu thei, Fela chu ari rak rak a alo lang leh maithei bawk silo, kalo dah daih zawk dawn mawni, reife athawm chauh ka hriat hnuah alo lang leh a mahse, guiter alo pawm tel ṭat tawh, mak ka tih em avang chuan sawi mai tur pawh hrelo in ka ang pam

" I ka chip rawh princess " Nuihza insum deuha atih chuan ka insiamṭha vat

" I perh thiam ve ami? " Awihlo deuhin kati 

" Ka hobby ani tih i hrelo hi i demawm loh " 

" Anih leh min zaisak la, ka bialpa in guiter a perhthiam kalo ring pha hleinem " Phur sarhin kati

" Eng hla nge i duh " Alo tih chuan Ed sheeran hla 'Perfect' tih chu ka thlanga, Lalruatfela hian min ṭhawng em em reng mai anih hi, a aw lah chu analh lutuk tih tur nisi lo in ahla sak chu asa nalh em em mai a, nakinah kala ngaihthlak leh duh takah ka tia azai chu ka record thlap, ka record tih phei chu a hre lo ang.

Company kan khar tawha kan chawlh aṭangin ni2 lai aliam leh tawh, kanu ten kan lo bazar duh maithei antih avangin ka ngaichanga mahse, anlo ṭhulh leh diam sia ka ngei tak tak ani, Vawiin lamah kan bazar anga naktukah chuan kan khua ka pan ve tawh ang, Lalai leh Seni te ho nen kan bazar dawna Lawmi pawh atel ka ring, nel taka kan inbiak loh na chin pawh ka hre tawhlo.

" Ke in kanlo kal a ka hah lutuk, chawl rih lawk ang u " Seni leh Lalai Lawmi anlo thleng a, an hah ngang aniang Ṭhutphahah ṭhu in an thaw halh halh hlawm

" Tinge taxi inlo hman loh " Tui bottle pek pah chuan kati 

" Dorm aṭang chuan kanlo hmang ngei a mahse, kan taxi hman kha achhia alawm, adang hman leh kual kha kan peih tawhlo a " Seni'n ati hlak hlak

" A va pawi ve, hahdam ru Bazar te chu a hmanhmawh thlak hleinem " An piahah ka ṭhu ve a, an hah lutuk hmel chu an khawngaih thlak

" Fela awmlo chu inhmu renglo mahila a khawhar thlak, akal ni lah khan kanlo hre ve silo a " Lalai'n ati a, an hrelo hi an demawm loh keipawn engmah ka hrilh lo hrim hrim

" Nuamlo ti su keiman hrilh nachang che u ka hrelo anihkha, Mafaka leh Saipuia'n anlo thlah ve a, a cousin te tak tak pawn an hrelo " Ka ti bawrh bawrh

" Puia'n alo thlah ve maw " Lawmi'n alo ti a, Saipuia ka sawi tel tih ka hre chawpchilh Lawmi a awm chuan ka ṭawng ka fimkhur theih nen

" Aw an ṭhianpa ania anlo thlah ve tur alawm " ka ti leh maia mahse, Lawmi chu alawm hmel vak chuanglo apawi ka tilo e Saipuia nen kan in ngaizawng leh ta tihna ani chuanglo a, midang mitmei veng reng renga hun hman hi ka thiam velo

" Nia, keini aiin nachang an hria a an fel khawp alawm " Lalai'n alo ti ve vat

" Ka zawt mai mai che anihkha " Lawmi pawh chuan ati veleh mai a, an hahdam deuh hnuah Bazar turin kan inzui chhuak diah diah, Lalai te pawh naktuk tuk leh ah an khua ah an hawng ve dawna keimah ka hawng hmasa ber dawn anih hi

" I nau khan nupui anei ta ami? " Kanu kawr tur kawrlum ka ensak laiin Lalai'n ati a

" Hmani deuh khan an in hruai ve aniang " ka ti a, Kanu in min lo hrilha pangai takin ka nau phei chu kala belo, Ka va lawmpui loh lam anilo ṭawng athlahdah lutuk vang khan aniang ka lawm teh chiamlo, nei duh leh tho tur te chu ṭawng thlahdah lutuk loh tur ania. Nileng chuan kan inzui kuala Lawmi akal hrang zeuh zeuh a Kei Lalai leh Seni erawh kan kal hrang lemlo, Kan ṭhian ho chuan kan riak khawm dawna kan bazar zawh ah ka in ah kan kal leh dial

" Lawmi leh Seni'n eirawng bawl rawh se " Lalai'n atih chuan Seni a ner nung

" I phakar bik emai a " Ati nang nang a, Lalai nen kan nuih vur vur, thil tih bik hi ahlau ṭhin asin

" Puia te ṭhian ho in chaw kan lo ei ve dawn anti, in remti em? " Lawmi'n atih chuan Kan ngawi ṭhap

" Buaina an siam leh ang abuaithlak " Lalai nen kan ngawih reng laiin Seni'n ati hmak

" Fela a awmlo a buaina an siam kher nang " Lawmi'n ati leh hram, a ṭawngkam hi ngawihsan avan hanr ṭhin tak

" Buaina an siam chang khan Fela awm ngailo " Seni'n ati leh nghat, Lawmi chu a ngawi veta a Seni chuan Lalai chu thildang asawipui leh nghal daih, Seni zia hi chu adangdai ve ania, tak deuh deuh hian aṭawnga athinrim viau tawh ang tih pawh hian pangai deuhin midang hi abiak zawm nghal thei zel, Whatsapp ah ka lut chiah Saipuia msg alo thleng ve nghal 

' Lawmi'n thilsawi aneih pawn lo hnial rawh ' tih hi ani a, mak kati ang reng 

" Angailo tih tawp chu anuamlo, ka huphurh emaw anti ang " Mak ti ang reng deuha Saipuia msg ka chhiar nawn sek laiin Lawmi'n ati leh a, Lalai te titi siam siam pawh an tawp chat

" Khawi i ngam loh chuan kalo bia ang e, hmeichhia vek kan nia mipa lokal ve kha angailo, in neitute pawh an zahawm alawm " Seni'n ati leh hmak 

" I intithei emai, eng nge ilo huphurh ve viau " Lawmi pawh chu a aw anem vak tawhlo

" Lawmi chutin min puh suh, ka huphurh anilo a midang hmuha mawi te hi zawn ve tur, Mipa hruai luh reng pawh In neitute'n Sangi an ngaihdan adang vek dawn asin " Seni'n ati leh hlaka, Lalai nen chuan ngawi rengin Seni leh lawmi chu kan en a

" Min enhrang, ka thusawi ve apiang min kalh zel, Puia ka duh ve tih inhriat aṭang khan min enhranga Sangi in duhsak em em laiin keichu min enliam mai mai " A tih leh chuan

" Lawmi i zeldin mai mai anih chu, ṭhian kan ni a tumah duhsak bik che u kan neilo, in pawh taka awm leh kan duha nangmah zawk hi i inla hrang tlat anih hi " Lalai'n dam thlapin ati a, Lalai a inrawlh ve takah chuan Seni pawh angawi ta a

" In nei in nei chiang khawp mai, Sangi'n ngaihzawng anei leh mai chu in hrethiam a, Puia ka duh ve erawh in hrethiamlo, diktak chuan ka tuar hi ana ve tho asin, Puia ka duhna pawh arei tawh mahse, ka ṭhiannu bialpa anih miau avangin ka rilru put hmang ka thup a, Puia leh Sangi awm dun hmuh te kha ka tana anatzia in hrethiamlo. Min hrethiam ve duhlo Lawmpui ang taka nuih te ka tana aharsatzia in hmuthiam velo a, Sangi nen an inṭhen a chance ka neih ve ringin hma kala ve mai ani, chutah pawh Sangi ka rawn thlap, Ka ṭhiannu vangin ka duhna ka thupa ka ṭhiannu avang tho in hnawl kani leh asin " A tawp lam chu a au in a au ani ringawt, a sawi zawh rualin thawk ala halh halh a

" Chutah chuan Sangi hi i puh tihna ami? " Lalai'n atih leh chuan Lawmi chuan min lo en a, a mitmeng pawisak neilo zet chuan min ti ṭim uai thei

" Puh ngailo in achiang sa alawm " A ti fak a

" Saipuia rilru thunun theitu kani emni? A hnawl vang che chuan keihi adiklo ka ni ang maw " Min tihdan em em chu ka lungawi lo em ani, ka ngawi tlang ang ka ti ania ka ngawi tlang leh theilo chu anih hi, mitthi kan ni silo a aṭawng engkim ka hre ve vek bawk si ngawih mai mai chu ahar ani

" Ka ṭhian inih avanga min hnawl ani? " Chiang deuha min en chungin ati a, Lawmi hmel leh aṭawngkam hian min rap Lawmi ka hriat ṭhin kha ani tawh pawn ka hrelo

" Ka lo hnawk viau ani maw, i duh chuan ka ṭhian ini lo thei alawm, i ṭhian ka nih avang i neih tur thil i nei theilo chu apawi ka ti hle mai " Chuai raihin kati, chuti khawpa kalo hnawksak chu amak kati

" Lawmi i thusawi fimkhur rawh, i hahrfimlo zawk ami? " Seni'n ati ram hmarh a

" Keimah chauh ami thiam loh leh bik " Pawr zeta Lawmi'n atih leh lai chuan 

" Ngawi tawh ru engmah sawi angai tawhlo, Sangi eirawngbawl ang " Lalai'n khauh fakin ati a, tuman kan chhang ngam tawhlo Choka a aphei chu ka zui ve a, kan ṭhin boruak nuam em em reng ṭhin anuam thei ta miahlo hi ahreawm, kan ṭhian kara neuh neuh awm ta reng hi ka thiam loh ani te hian ka hria mahse, ka ngaihtuah chian chuan ka thiam loh a awm in ka hre chuang silo abuaithlak ṭhin emai

" Lawmi saw aharhfim lo in ka hria, a enchik ve em ka hrelo a mahse, adanglam tlat " Lalai chuan ati sar sar, chutiang lamin kalo ngaihtuah lo reng reng, amitmeng a rapawm tih chiah ka hria

" Zu rim anam bawk silo " Ka tih chuan Lalai a chek tlak tlak

" Zu aiin Damdawi atih ka ring zawk, zu chu a in duh ka ringlo tunlaiah Damdawi a tam tawha " Ati leh a Pangai takin asawi na a thudiklo nise atih ve tho ka ring

" Awi keichu hreawm kati e, heng zawng zawng inṭanna hi keimah leh Saipuia ani a ka thiam loh aniin ka hria " Ipik zetin kati halh 

" Khatiang khan ngaihtuah suh, Puia nen la in ngaizawng chu nila thuhran, ngaihzawng dang i nei tawha i thiam loh na a awm tawhlo hrim hrim "Ati bawrh bawrh, ngawi rengin eirawng chu kan bawl duna, engtin nge kan ṭhian inkar hi ka siamṭhat leh ang ka hrethiamlo, keimah maiin ka siamṭha theilo tih lah ka chiang mai si.

(KAN KHUA)

" Liani tein ah i kal dawn mi? " Ka chhuak tur chu kanu'n min au zui leh hram, tunah chuan kan khuaah ka awm leh tawha Kanu nen kan invin leh reng tawh

" Aw kal dawn " A thilsawi pawh ngaihsak zawm tawhlo in ka kal nal nal, ka hawn leh hunah chuan min hau leh hrep dawn naih hi, Niminah kan khua ka thleng ve chauh a, Liani pawh reilo te alo kal zawk tih loh chu anlo la lang thei biklo, a tlawng awl zawk chuan kan pan leh lawp lawp mai aniang chu. Fela nen pawh kan inbe ve renga, call a kan inbe zo chiah pawh msg in kan inbe zawm leh hram zel, min lo biak hmasak loh chuan ka be hmasa ngailo thung, a kal chhan ber session pawh an nei ṭan tawha Zanah 'Ka mawng ana ' ati ve ziah, vcall in kan inbiaa ka mut san loh leh min mutsana kan sial dun lutuk. Malsawma tein ah ka lut chiah Liani'n min lo chhawn nghal vat, amah chauh in alo awm leh nghal ka leng fuh cher cher hlemai 

" Duh ang pawn kalo leng hmanlo a " A ti sar sar, nuih vur vurin

" Pasal neih effect chu kha kha animai " Ka tih chuan min beng leh pawp tawh

" Kanu te hi chu an fel lutuk mahse, hunawl hi a awm thlawtlo a, hunawl ka neih chuan ka leng char char zel " A ti a, Pasal neih effect ka ti chu alawmlo ve lutuk

" Mo leng heh anti mai ang che, leng reng kher suh " Ka tih chuan anui awr awr

" Tunlai chu chaw ka eithei lutuka, azahthlak zawk " A ti leh peka, a sawi takah chuan ahmai vel chu a thau ve deuhin ka hria 

" I rai aniang " 

" I sawi takah chuan ani maithei, zanah ka intest ang " Hrechhuak thut ang hrimin ati leh hluai, a phur hluai ṭhin hi pasal aneih hnuah pawh ala rehlo anih hi

" Malsawmkima aphur si in awl vak dawnlo tih hriat reng reng, i pai tawh em em ang " Ka tih chuan 

" Awi Lalthansang iva han zaklo tak " A nui vak vaka, anuih lah hian min beng sawk sawk zel lehnghal

" I nuih pawn min beng pah zel suh " Vin hlara ka tih chuan a ngeiawm achhuaha ahma aia uar in min beng ana phei chu anilo, Ka leng rei ve bawka a chhungte anlo hawng ṭan, Malsawma lo lutin min hmuh chuan mi fiam leh hluta

" Fela awmlo chu i tuar hle mai, kar hla d neih chu abuaithlak teh ania " A ti leh phawr phawr, ner nang chungin

" Ka tuar kherlo, nupui neih ngeih pa i nupui hi dim ve deuh ṭhin la " Ka tih chuan 

" Min thik anih kha " Zuk ti a mawle! 

" Ka thik lo lutuk che " Uar deuha ka tih chuan 

" Fela kal hma khan inneih ngen tlat tur alawm, Foreign ah nang aia hmelṭha leh hleitling ahmu anga nang chu a theihnghilh daih ang che, i leng tar mai lo ang tih pawh asawi theih loh " A tih leh zawt zawt chuan kan inhnial thawm hre phak a nu leh pa leh Liani te chu anlo nui hawk hawk

" I ṭawngthei si " Chhanlet ngaihna hrelo zetin kati hlak, Ka lenrei tawh em avangin Malsawma te lo hawn hnu lawkah chuan ka hawng ve a, ka nau nupui pawh kala belchiang lo hrim hrim.

Cont..