Lunglawm Tikimtu chapter-22

Ka lu na nget nget chuan min ti harh a, peih lo zetin ka meng, ka khumah ngei kalo mu a mahse, ka lu nat dan chu ahreawm lutuk, nizan thil thleng engmah ka hrethei tawh derlo lehnghal, room pawn lama mipa ṭawng bul bul thawm ka hriat rual chuan ka meng kawka nizanah Tea alo kal tak kha engtin nge a awm chhunzawm ka hrelo reng reng, rang zetin ka tho a mahse, thawmhnaw mumal ka inbel miahlo. khum bula thawmhnaw ka hmuh hmasak chu ka inbel vat vat a, ka room aṭanga ka chhuah chuan Fela leh Tea hnaih deuha anlo indinchilh chu ka hmu nghal, ka thawm an hriat rualin ka lam anlo hawi rual a, Fela mitmenga mak tihna leh natna lo lang chhuak zut zut chu ka hmu, thil awmdan hi ka hrethiam miahlo

" Min phatsan ani " Natna a khat aw ri nen Fela'n atih chuan 

" Eng nge maw i sawi le, eng nge awmzia " Thil thleng hrethiamlo lutukin ka zawt a, Fela chu ka pan hnai bawk 

" Min lo hnaih suh " Vin deuha Fela'n atih chuan ka kal lai ka tawp chat, akut chu a hum ruh ngar ngar a thil thleng mek chu ka hrethiamlo takzet Tea chu ka en a Kawr ha lo in boxer chiah alo inbel ka hmuh chuan, ka meng nghal kawk kawk, Nizanah khan ka thil in ah khan eng emw chu apawlh chiang ani

" Fela, ka..ka swifiah thei ka thusawi hi ngaithla rawh " Hlauthawng zeta ti nawk nawkin Fela chu chelh mai ka tuma mahse, ka kut chu alo vai per lawp, ten hmel zeta min en in 

" Engvangin nge itih? " A ti fiah kalh, ka duh vang reng anilo tih sawi pawh ni ila min ring dawnlo tih ka hrechiang lutuk, ka mangang a ka chiai in hreawm ka ti bawk 

" Ka insawifiahna ngaithla rawh, keihian ka phatsan lo che" Min ringse tih beisei zeta ka tih leh pawh chuan rum zetin min en ngur 

" Anih leh tuna ka mit ngeia ka hmuh hi engtihna nge, in phatsanna chu anilo maw, Thawmhnaw mumal pawh halo in kawngka alo hawnga, nang lahin " Min kawk a akut chu a khur zawih zawih athilsawi lai pawh sawi zo theilo in avanvadak vang vang a, engtin nge ka insawifiah tak ang, ka thawmhnaw inbel chu ka enchianga Tea tshirt kalo la ha zui

" Ka insawifiahna chu ngaithla rawh " Mangang fe in kati leh a Ka mittui alo luang zawih zawih tawh

" Ka sawi kha ila hria em? Ka kalsan ngai khawp che thil iti sual anih chuan chu chu kan inkar tawp ni tur chu ani ka tih kha " Fiah kalhin min en a amita en let pawh ka tim lutuk, a mittui chu a tling ve piau a, chuti khawpa na leh hrilhhaia ka siam tih ka inhriatna chuan ka kawchhung hi a ṭham sawm vekin ka hria, tuna ka natdan leh hreawm tih ang reng reng hian kala awm ngailo

" Min ngaithla dawnlo ami? " Zuai raiha ka tih chuan

" Ka benga ka hriat chu nise ka ngaithla ang che mahse, ka mit ngeiin ka hmu a ngaihthlak leh angaiin ka hrelo " Inringtawk zeta atih chuan 

" Tea sawi ve ta che nizan khan engmah athlenglo, hei hi hriatsual palh vang ani, sawi ta che " Ka ti nawk nawk

" Ka ngaithla peihlo che u " Tiin in aṭang chuan min chhuahsan, um zui a ngaihdam dil ka duha engvang berin nge ngaihdam ka dil dawn tih lah ka hre bawk silo, ka ke hi chhuatah hian a tang tlata ka chesawn theilo, thui fe akal tawh ang tihah chhuatah ka ṭhu hnawka, insum leklo in ka ṭap chhuak hawk 

" Sangi " Tea'n atih chuan thip fe a melhin

" Engvangin nge hetiang hi ka chungah itih " Ka ti ṭhat 

" Ka duhvang reng anilo " A tih chuan

" Ka ten che ka inten bawk, kei hian ka mipa hmangaih chu ka phatsan ani mahse, engmah ka hre silo " Ka ṭap a, ka chunga thil thleng chuan min van ṭhawng tak em! 

" Inbengdai rawh Sangi " Ti paha Ramluahpuia'n(Tea) ka dara alo chelh chuan akut chu ka vai per nghal lawp a

" Min khawihsuh, hmeichhe chak lo zawka hrai ruia mutpui thei khawpa mipa nikhualo i nihkha, nang hian ka nun iti chhe vek tih i hria em? I hmel ka hmu peihlo min chhuhsan rawh " Ka ti tawn tawn, mi in luah ka ni tih lam ka vengthawng thei tawhlo. Keimaha ka awm hnu chuan nizana thil thleng chu ka ngaihtuah ngiala Tea'n intur min pek hnua ka mutchhuak nghal em em tih loh abak thil thleng engmah ka hrelo, thawmhnaw mumal ka inbello a Ramluahpuia chuan min khawih tak tak emni ang, keihi pawngsual ka ni tihna maw? Chu pawh ka hriat miah loh leh nghal in, ka inbuala ka taksa ah chuan sahbawn hnawihin vawitam intlengfai mahila ka tenawm ngai rengin kala tenawm tho. Ka hun tawn tehhrep chuan engmah tih minti chaklo a, khumah mu in ka mittui lah chu ahul theilo, Fela biak ka tuma msg leh call engmah min chhanglo, nizana kan inbiak dante ka ngaihtuaha ahrilhhai dan tur leh a nat dan tur ka ngaihtuah thlen chang phei chuan ka thawk hi achham mai dawnin ka hria, hreawm ka ti lutuk chu ka ngaihtuah chhuah hmasak ber Lalai ka call ta ngawt, keimaha ka awm reng chuan ka a thei mai dwnin ka hria

" Aw, Sangsang " Lalai aw dam diai ka hriat rual chuan engmah sawi theilo in ka ṭap chhuak tawp

" Thil diklo a awm ami? " Hlauthawng fe a alo tih chuan insut hraihin

" Ka a mai dawn " ka ti a, ka aw pawh alawi rat mai

" Kalo kal ang in ah i awm em? " alo tih chuan

" Fela min hmuhsak zawk rawh " Ṭap zawih zawihin ka ti leh

" Tinge? Achhan min hrilh teh " Lalai'n alo tih chuan

" Khawngaihin Lala, Fela chu hmula abulah awm rawh, keihian na takin ka siam ani " Ka hmai hupin ka ṭap khur dar dar, Fela'n thil ṭhalo deuh atih ka hlau a, keilah min be duh silo, zan khat thil thua ka nun inher danglam dawrh chuan min ti hrilhhai ngei mai, amangan thlak takzet bawk. Pathian ka beisei a ka hreawmna hi min laksak theih ngei ka ring ṭawngṭai tumin ka ṭhingṭhi a dil duh ngah viau si hian sawi tur ka hre reng renglo mawle, 'Lalpa min pui rawh' kati a, sawi tur dang reng reng ka hrelo. Nilengin mumal lo zetin ka awm a, Fela chu ka ngai ngawih ngawih, Kan in vcall laia perfect tih hla asak ka record chu ka play a, nileng hun chu mittui nen khumah ka hmang ti ila ka sawisual kherlo ang, zing chaw ka eilo a hundang nise ka rilṭam leh tawh dawn tehlul nen ka thiltawnte hian minti a chhuih mai. Zawi ngiaia khumah ka mut reng lai chuan kawngka anlo kik dat dat a, peihlo deuhin ka tho ṭiah ṭiah

" I ṭha em? " Kawngka ka hawn rualin Lalai'n min zawt nghala

" Aih " Ka ti sep ka ṭhalo miaua 

" Fela pawh aṭhalo " A tih chuan ka mit ka chhing vang vang

" Lala, ka chunga thilthleng hi ka hrethiamlo " Ipik zetin kati a Lalai chuan zawhna dang min zawt hauhlo in min kuah vang vang

" Phatsantu inih ka ring theilo " A tih chuan ka ipik lutuk pawh tlem chuan azia, Lalai'n min ring tih ka hriatna chuan min ti hahdam huai mai

" I inpeih hunah thil thlendan chu min hrilh dawn nia " Min ṭhutpuia, ka hnungah achul hauh hauh 

" Fela chu aṭhalo lutuk ami? " 

" Mipa alawm anih, aṭha em em ang " a ti leh a Min hnemlo ngei mai, Lalai chu zawi tete in thilthlen dan chu ka hrilh a, ka theih ang tawka chipchiar chuan ka hrilh

" Tea chu kan biak hmasak angai anih chu " A ti a, keichuan ka hmu duh rihlo

" Ka hmu peihlo " Ka ti hmak

" I hmuh angailo keiman ka be mai ang, Fela pawh hmuh kan tum leh dawn nia " A tih leh chuan ka bu nghat, Lalai'n remruatna aneih takah chuan thil thleng mek hi afel duak theih ka ring, Tea'n thudik sawi se mahse, lo mudun tak tak ta ila Fela tan hian pangai taka min en leh chu aharsa tawh ang, ka duh loh leh ka hriat loh thil ni mahse, Tea nen kan mudun miau a

" I ngaihtuahna kawm tam loh hram i tum dawn nia " Ati a ka thi te anih loh chuan tun dinhmunah hian ngaihtuahna kawmlo chuan ka awm theih ka ringlo, Lalai awmlai chuan pangai deuh ang chuan ka awmlui a, nep tak a mahni harsatna pawh su kiang theilo nih ka duhlo

" Lala, ka ṭha tawh alawm i duh chuan min hawnsan tawh rawh " Lalai tihbuai reng pawh nuam ka tilo

" Nangmahin i awm thei ang maw " Min ngaihtuah zeta atih chuan zalo deuhin ka nuih a

" Nichin kha chuan ka rilru afimlo lutuka chuvang alawm, tunah chuan ka ṭha tawh min ngaihtuah suh " Ka ti a, hnathawh tur ala neih avangin Lalai pawh chuan min hawnsan

' In rinlawkna awm miahlo a harsatna leh buaina min pek hi, amak ka ti emai midang zawng aiin ka chak in ka chhel bik ani bawk silo ' Keimah chuan ka phun sep sep, Lalai eitur min lo ken chu tlem ka ei a, Fela hnena thudik hrilh turin chak takin ka awm angai. Zan khat lek alo len loh pawn ka ngai em em ṭhin ani si a, tunah chuan nileng leh zankhua in areh hmiah hmiah si hreawm ka ti emai, Ramluahpuia'n msg min lo thawn a min lo call bawk mahse, a call ka chhanglo a amsg pawh ka reply duhlo hrim hrim. Ka ṭhian ah ngaiin ka lakah rilru chhe tak a put ka ring pha ngailo, Fela phei chu a cousin ani lehnghala ka laka rilru diklo lutuk apu chu amak kati a, min hrai ruia min khawih thei pawh hi ka rap lutuk. 

A tukah chuan inringtawklo zetin Fela in ah chuan ka kal, thinrim takin min lo hmachhawn se engtin nge ka awm ang, kawngka bulah chuan ka ding a ka rilru hi avan hah tak, inpet ruh ṭeuhin atawpah chuan doorbell chu ka hmet a, reideuh ka nghah hnu pawn alo hawng theilo, ngaihtuahna mak pui pui ka nei a hlauthawng zeta ka hmeh nawn sek hnu chuan kawngka chu ari rak

" Eng nge ilo tih dawn " Min hmuh rualin ati nghut, nui hmel apu lo a lungawi tak pawh anilo tih ahriat hle, min endanah chuan min hmu chu min ngaihtheihloh hmel ngawih ngawih, Nimin piah lawkah te kha chuan he amitmeng ah te hian min hmangaih ngawih ngawihna leh min ngaihsakna kha alang chhuak zut zut zel ania

" Inbe lawk ang " Ka tih chuan min en ngur ngur a Mipa zaidam tak thinrim hmachhawn hi paukhauh alo van ngai ve

" Ka hreawmna belhchhah turin emni min lo hmuh leh " Bul hmukin ati a, rang zetin kalu ka thing nawk nawk 

" Thil thleng kha ka hrethiam biklo asin, khami zan khan min lo kaitho in Ramluahpuia khan intur min pe a, ka inzawh hnu lawkah ka mutchhuak em em a, thil thleng engmah ka hriatzawmlo, ka hriat leh meuh chu zinga thil thleng kha ani mai " Min hrethiam se tih beisei zetin ngawingula ka thusawi ngaithlatu chu ka en a

" Awih turin min duh emni? " Tiin min chhanglet daih

" I bialnu hi damdawiin min hrai anih chu, ka chungah diklo takin thil athleng asin " Ka ti a ka biangah ka mittui alo luang thla ngiai ngiai 

" Nimin khan kan inkar chu a tawp tawh, ka mitin ka hmu a ithilsawi engkim hi insawifiahna nilo in insawithiamna ang lekah ka ngai " Vawt raiha atih leh chuan ro zetin ka nui

" Min ngaidam dawn nia " Inherin ka kalsan a engvanga ngaihdam dil ta mai nge ka nih ka hrelo, ka kalsan a ka thinlung hi a rum vawng vawng, tlawm taka ka awm ngai mahse, kan inkar ṭhat leh theih nan anih chuan engthil pawh tih ka hniallo asin. Ke in ka kala ka inluah ka thleng ṭhak, ka ngaihtuahna ka hman bing vang nge ka kalchhung chu arei pawh ka tilo. Phurlo zetin hna kal turin ka insiam a, ka ṭahna vang a ka mit bui lak leh ka mut loh avanga ka mithnuai dum kual raih khuh nan chuan nidang zawng aiin makeup ka hmang chhah. Thil thleng tihdanglam phet ka tum tawhlo engtin pawn awm ila athleng tur chu athleng zel tho a, engpawh thleng se thlipui leh ruahpui pawn min nuai mahse, chak tak leh paukhauh takin ka awm reng tur ani

" Good morning Boss " Office chhung ka lut a Dari'n min lo wish vat, anui sang a nuih let ve seih in ka room ah ka kalsan, Tea hmuh ka chaklo a ahmel ka hmuh khan keimah hi ka inten, report pe turin amah kher alo kal lehnghala, keimaha huatna awm zawng zawng hian Tea hi ka hua, chu chu ka huatdan leh ka ten dan ka sawifiah thiam dan ani

" I sign angai " Ka dawhkana lehkha pakhat alo dah chuan amah pawn enlo in ka sign nghal vat vat

" I ṭha em? " 

" Ka ṭhatloh i ring emni? " Ka ti salh 

" Min la hua ami? " Zawhna min zawt chhen chu ka hne khawp mai, insangmar atin Tea chu ka en kalh a

" Ka hnuaia hnathawk ve mai ini a, ka huat chhan tur che a awm in i hria emni? Zawhna min zawt sek suh ka ning ania " Ka ti fak fak

" Min chhuahsan rawh, dar1 a kan meeting hma loh chu min lo tibuai rih su " Lehkaa pek let pahin ka ti a, ka chair hnung ngheingin lehlam ka hawisan daih, ka natna ka thup theih dan ṭha ber chu khatianga chapo tak anga ka lan chauh khan ani

" Boss hawng rual ila " Tlai banah chuan Miriami'n ati a

" Bazar ah Vari eitur ka lei kawisak lawk dawna " Pangai deuh chuan kati

" Pawilo ka kal kawipui ang che " ala tih lehzel avang chuan ka hnial buai duh talo, Miriami chu kal pahin aṭawng pah siam siam a, rilru danglam lutuk tur pawh aveng khawp mai, Vari eitur ka leisak zo kan let leh lamah chuan hla deuh taka Seniori leh Fela lo kal chu kava hmu, Fela chu anui a sawtiang hmel saw ni2 dawn ka hmu talo ka ta bik liau liau ni chungin ka hmu leh ang em, keimah min nuih tawhlo a neitu nihna ka nei tawhlo, Miriami titi pawh chu ka hre mumallo a, kan kal hran thlengin mumal taka ka biak pawh ka hrelo. 

" Sangi, chaw ka chhum kep che ania aw " Inkawt ah U duhi alo awm a

" Ti ringawt " Hrilhhai deuhin kati a, ka nui pah hak

" U saia Piancham ania kan chhungkua chauha ei ai chuan lo ei chho ve rawh, ka hrilh lawk che chuan min hnial leh dawn sia, chaw kalo chhum kep diam che " Ati tlat a chutiang a min duhsaktute chu tiin ka hnial lui duh biklo, anihna takah erawh chaw ei chakna ka neilo. In chhungah ka lut a hrilhhai taka ka hun hman ni kha ka hrechhuak leh ṭhin, khatiang reng reng kha kala bangbo ngai pawn ka hrelo, ka hriat miah loh in ka bialpa chu ka phatsana, Fela nat ang tho in keihi kana ahrilhhai ang chiah khan ka hrilhhai ve tho. Chau zetin khumah ka mu thla tawpa, ka phone chu la kangin whatsapp ah ka lut, Fela tana msg ka send zawng zawng chu ala tlanglo hrim hrim a, min block ta pawh ani maithei. Ka insawifiahna vawikhat tal chu min ngaihthlaksak ka beisei ve asin, a ngaihthlak hnuah ahrethiam theilo anih chuan ka ṭhen ve mai ang, mi duhlo chung ngaizawng lui ṭang ṭang ṭhin ka ni biklo, nidang anglo takin Lalai leh seni msg pakhat mah alo awm lo, sts ka en a nichin lawkah sts an nei ve ve bawk si, ka ṭhiante pawh chu ka tan an hla ta viau in ka hria a, hetiang reng reng hian ka mal ngailo. 

" I piancham tih ka hre silo a, engmah kalo lei lo " Chaw ei turin U duhi tein ah ka chho a, U saia pawh alo hawng diam tawh, naupang ho an awm ve bawka an ri chel chul mai

" A ngailo chaw ilo ei kha atawk animai, min lawmpuina tluka present ṭha a awm hleinem " A tih duah chuan U duhi alo chek tlak tlak 

" Inla ṭawngkam thiam e " A tih chuan U saia chu anui hawk hawk a, an nupa chuan an infiam zawm hlut, an pahnih chuan ka thir renga Lalruatfela ka ngai veng veng mai, ka mittui lo hnai kuar chu duhlo in ka khap let a

" Kan ri leh hlut zela, kan inpeih chuan chaw eite kha va siam rawh " U saia'n atih chuan U duhi chu atho vata, chaw ei siampui tuma ka thawh ve nghal chuan

" A harsa lo, ṭhu mai mai rawh Duhi te chuan chaw eisiam mai mai, ahnehsawh lutuk " U saia'n atih pawh chuan U duhi chu ka zui lut ve tho, Chaklo deuh chung chuan ka ei ve nual tho a, an zarah ka puar khawp mai. U duhi tein ah chuan reife ka leng ve ta reng mahnia awm ka hreh rih vang ani. 

" Sangi, mi hlawhtlingte hlawhtlinna thuruk hi i hria em? " U duhi'n naupang ho homework atihpui a, U saia nen an sitting room zau deuha kan ṭhu a, min biak loh chuan ka be hmasa lo

" Hre miahlo " Ka tih chuan anui a

" Buaina leh harsatna " A tih chuan U saia chu ka en haw mai

" Mi hlawhtlingte i hmuh chang hian eng nge i rilru ah awm ve ṭhin, An kalkawng atluangin i ring ṭhin em? " A tih leh chuan

" Ringlo " Ka ti a

" Ka tetlai chuan mi hlawhtlingte kalkawng hi anuam viau turah ka ngai ṭhin a, mi hlawhtling mi hausa nih kha ka tum ber ani, mi hlawhtlingte kalkawng ka zawh chho ve a awlsam tak anga kalo ngaih ṭhin kha alo harsa khawp mai. Hlawhtlinna hi tupawn chan kan duha mahse, hlawhtlinna chang tak tak tu erawh mi tlemte chauh anni, harsatna leh buaina hmangṭangkai thiamte hian hlawhtlinna chu an chang mai ṭhin " A ti dap dap athusawi lai chuan amah chu uluk deuhin ka en reng, sawizawmpui tur ka hre derlo lehnghal, keichu mi hlawhtling kala ni ve tlatlo a

" Kan sawi kual duah anihkha, buaina leh harsatna hmanṭangkai dan thiam la, chu chuan nasa takin in rintawkna leh chhelna ape ang che. Hmanṭangkai tih avang khan apawng ataka hman ṭangkai anilo a, kan harsatna kan buaina tawhte in hneh tir loh tur tih ka sawi tumna ani " A ti leh duah, chutiang thil min hrilh ṭeuh chu mak ti deuh mahila ka ṭangkai pui ngei erawh ka ring. Inhnuaia ka chhuk leh meuh chuan a tlai duai tawh, Lalai missed call pawh a awm a, naktukah ka call let mai ang ka tih rilruk laiin alo call leh 

" Aw Lala " Zangkhai deuha ka tih chuan 

" Call iva chhang theilo ve " Alo ti nghal a

" Nia, U saia tein ah chaw ka ei chho a " Ka tih leh chuan

" Anuam em? " 

" Nuam ani mai, rin aiin ka ei tam " Nui hak hak chunga ka tih chuan

" I ngaihzawng ṭhen chu i tuar vakna nge? " ngeiawm rawng kai lek lekin alo ti let khauh, ka nui tawp chiang asin

" Eng nge i sawi awmzia " Ka tih chuan

" Tinge dawt min hrilh kher " Alo ti let a

" Eng dawt nge ka hrilh che " Lawmlo lek lekin ka ti

" Tea'n eng damdawi mah ka telh lo, kan pahnih tihsual anihkha ati " Lalai pawn min ringlo tih chu achiang leh ta, Thil afel mai theih ka ring a ka hahdam ve deuha mahse, ahma zawng aiin a khirh daih

" Min ringlo tihna ami? " Ka aw chu a khur lek lek tawh

" Atirah thudik min hrilh mai theilo emni? midang mawhpuh kuallo in, Sangi ka laizawn ang maiin ka en che a, Fela laka i thil tih hi chuan min ti lungawi lo takzet " Call chu ka dah tawp, ka awm ah hian min hnawh tu a awm a thawk asak ṭalh ṭalh Tuman min ringlo chu ana ka ti ve em ani.

Zankhua in ka khum tlan nghengin chhuatah ka ṭhu tlaivar ṭhaka, zankhua in ka ngaihtuahna chawllo mahse, ka harsatna chingfel turin engmah ka ngaihtuah chhuak chuanglo. Ka kawngka lo ri dawt dawt avang chuan peihlo zetin ka tho a, tumah lokal lo se chu chu tuna ka duhdan ani, kawngka ka hawn chuan ka beisei loh ber Saipuia ka hmu a, ka meng deuh kawk nghe nghe

" I va zing ve " Kawng kian paha ka tih chuan 

" Hetianga i awm hi ka rin vang alawm " A ti nghut, zalo zetin ka nui a, hei pawh hian min ring tawp lovang, min deusawhtur bakin alokal ka ringlo

" Deusawh tur chuang ka awm tawh loh hi " Ka tih chuan Saipuia'n min en kawk a

" Ka ring che i hria em? Keichuan ka ring che Lalthansang " Nghet charha atih chuan ka mittui alo luang leh ngiai ngiai, min ring tura ka beisei loh berin min rin thu asawi chu ka awih lo nge ka awih ngamlo zawk pawh ka hrelo

" Min ring tak tak maw " zuai raiha ka tih chuan, thawpik fe in thawk ala a

" Tinge i rilru hi atluan em em, ka hrilh fo che kha tupawh hi nangmah ang turah ngai ṭhin suh, buaina i la tawk mai ang kati lo che emni? " Min hrawk titih a atih leh chuan

" Min ring tiraw? Nang chuan dawt ka sawilo tih i hria mahse, tuman min ring velo " Eng ber nge sawi ka tum pawh ka hrelo, ka awmdan chuan ati thinrim nge ka ka dar tawnah chelhin chiang zetin min en a

" Inti chak ta che mawle Thansang, dawt avang hian i tlusawp mai ang maw! Teuhlo lutuk, hmeichhe chhel tak inih kha, i dikna chu i ti lang ngei tur ani " Min thing deuh nawk pah in ati a, beisei tur ka hriat loh zia hi min hriatpui der silo

" Hetiang hi engtin nge ka chungah athlen theih, amak kati emai hetiang kher kher chu " Tham chhela ka tih leh chuan min kuah a, ka kaiza tha te hi azawi vek 

" Khawvel anih hi thleng theilo engmah a awmlo, inti chak rawh i hria em? " ka hnungah abeng thek thek a, ka rilru no chhuakin Saipuia chu ka ṭahkhum nghek. Saipuia chuan rawng min bawlsak thlap a chumi hnuah min hawnsan, min ring tura ka beisei loh berin min ring tlat chu amak kati. Ka harsatna tawh mek hian min ti hrilhhai viau mahse, a chhawkna tur hlimna tawn hun kala nei veleh ngei ang chu chu tuna ka in hnemna awmchhun ani

Hna kal tura ka chhuak chu pawnah Ramluahpuia alo awm reng, hepa hi ka thawnthua misualpa anih hi

" Ka thlah ang che " A tih te chuan ka luak ati chhuak

" I hmel hi ka hmuh peih in i ring ami? Daw thei bawk si " Ka ti zek

" Ka inchhir loh nan hma kala ve animai a, thil tisual bik viauah min ngai ami? " A ṭawng peih mai mai e aw

" I kap a ithil kha thlak tirla Thailand ah pem rawh " Ram hmarha tiin ka kalsan nal nal, ka ten zia hi a in hrelo anih pawn ka mithmuhah tal chuan lo inlan loh tur ania

" Ka duh che tih i hrethiamlo ami? " Ka kal lai min pawt dingin ati a, thip fe in ka melh khai 

" Ka duhlo che tih i hrelo emni? I tenawmzia i in hrelo anih pawn i ka ten che tih tal chu hrethiam rawh, ka laka i sulhnu te hi ka ten ngawih ngawih ania, theih se hlehthlaka paih vek ka chak " Ka tih chuan rapthlak minti deuh nge min chelhna athlaha, chechanglo in ading reng a

" Police hnenah ka report loh che avang hian ka chunga ithiltih kha ka palzam tihna anilo ania " Ti ram leh hmarhin ka kalsan, Company ka thlenga ka room a ka ṭhut hnuah Seni'n min lo call teh miala

" Sangi, vawiin chu min treat teh " Ka lak rual rualin alo ti nghal lang lang

" I ei thei emai " Ka tih let chuan aphun hlak 

" Chhunah kalo kal ang " A ti a, chhan hman pawh anilo adah leh hmak, min va ti bangbo ṭhin tak. Hna kan ṭan hnu reilo ah meeting kan nei a, kum in atana ahmasa ber atan kan project tur kan sawi ho mek ani

" Kum hlui lama kan sawi thawi tawh ho kha, en let leh ila tiraw u " Ka tih chuan 

" Ni e, kalo la ang " Dari atho vata, alo let leh hnuah kum hlui lama kan lo sawi ho tawh chu kan en let mawlh mawlh

" Kumin atana ahmasa ber atan perfume lam hi kan ti chhin dawn emni " tia ka ngaihdan ka sawi chuan Bawihtei'n min lo hnial nghal chat

" Perfume chu a common mah mah " Alo ti a, hnial zawm ka tumlo 

" Perfume zawng zawng rim a in ang chuang hleinem " Tea'n alo tih chuan rum deuhin a melh a

" In ngaihdan sawi ru, keichuan ka ngaihdan ka sawi a, kan ngaihdan ṭheuh kan sawi hnuah aṭha ber ka thlang chhuak ang " Ka tih chuan Dari alo ding hmasa ber, perfume chu atam zawkin kan lungsi ta zawk

" Bawihte, i ngaihdan atlang loh avangin hnual phah suh, nangma kutchhuak ngeiin hmathar ila thei ania " Kan meeting zawh lamah ka ti sep, ka hnuaia hnathawk anni a duhsak bik leh ngaihsak bik ka nei thianglo, tumai pawh hi ang khat vekin ka en tur ani.

" I hman tawh em? " Kan meeting zawh hnu lawkah Seni'n min lo call leh a, ati ve tak tak ami le

" Hman ani mai, lokal la " Ka ti a, Sana ka melh pah zeuh

" Pawnah khan min lo nghak rawh " A tih hnuah adah leh nghal daih a

" U zir, chhuah lawkna tur ka nei a ka reilo ang " Dari leh Miriami an buaia, Tea lah la be chak lem silo U zira chu ka mention ta bik ani

" Aw le " A ti a Min nuih sun sun, kan office chu ka chhuahsana, Seni chu alo thlen har ka rin avangin ka hmanhmawh lutuk lo mahse, pawna ka chhuak chu Seni alo awm diam tawh

" I va muang ve lokal teh " Ti sawk sawkin ka kutah min kaia, taxi pharin min hnawh lut rawk rawk 

" Min dim ve deuh rawh " Ti mahila eng atan mah atilo

" Heti lamah eng nge kan tih dawn " Kan kalna chu amak kati deuh

" I hre mai ang " A ti maia engmah asawi duhlo

" Kapu tah hian kan lo chhuk ang, i remchan chuan min lo nghak lawk thei ang em? " A ti zung zung a, driver chuan 'Aw le kalo nghak ang che u ' ati ve thliam. Airport chhung min luhpui thleng chuan kala bangbo lutuk

" Eng nge kan tih dawn " Seni ading a, ka hawikual ralh ralh

" Saw en rawh " A tihna lam chu ka en phei ve a, Fela leh Saipuia te Mafaka te anlo ding

" A kal ni tur kha ani tak e " Ka phun chhuak sep, kan inkar chu ṭha se keimah ngeiin ka thlah leh awm si a, Fela chu a kal a ka mittui atla tawhlo mahse, ka awm hi atawt tup tup thung, Seni chuan min din hnaihin ka hnungah achul heuh heuh

" Lalai'n in chanchin min hrilh a, ka ring che ania Lalai pawn a rin loh vang che anilo a, thil a hre hnem lutuk a arilru abuai rih ani " A tih chuan ka lu ka thing nak nak

" Aih min ringlo alawm, Lalai'n min ringlo " Rilru na zetin ka ti, Engtik lai pawha ka lama dinga ka tana awm reng ṭhin Lalai'n min ringlo hi ka lana takzet

" Lawmi'n eng thil nge a fah ka hrelo zingah kan in hau deuh a, Fela kaltur hmuhpui che ka duh bawk sia vawiin chu hnaah ka kal loh phah " A hma ang bawkin Seni chu aṭawng leh par par tawh

" Ka lawm e aw " 

" I u ka nih hi lawmthu sawi angailo " A tih chuan ka nui ve tawp

" Kan kal tawh dawn mi? nangmah vangin hna ka kallo a, min treat chu i ba " Ka banah kuah paha atih chuan

 'aw le ' kati a, kan kalsawn hma chuan Fela kalna lam chu ka thlir leh ' Kan inkar aṭha thei talo anih pawn thudik erawh ka hriattir tho ang che ' Insehruh fan fan chungin ka rilru chuan kati a, thudik hi kala hriattir ngei ngei ang amah ang tho hian atuar tu kani tih hi ka hriattir dawn ani.

Reilo te Seni nen hun kan hmang dun leh a, chumi hnuah company ah ka let leh nghal, a ngaia ka kal a, tihtur a awm a kati ani mai, keimah ah hian phurna a awm tawhlo hrim hrim, ka thaw in ka ṭawng theia lem zetin ka nui ṭhin bawka chu chu ka nung ve tih lanna ani mai, keimah hi ka lum lo a ka vawt rawih rawih hian ka hre ṭhin, min ti lum turin phurna min pe tu ber chu ka hnen aṭanga hla takah akal leh tawh a, ka call leh msg engmah a chhang ngailo bawk. Ka hna bang chu pawnah Saipuia alo awm a

" Min lo hruai dawn mi? " Ka ti hu

" I phal chuan kalo hruai dawn che, engmah beisei ka neilo ania " A kut chuan x asiam a, a in ṭawngkhalh zung zung chuan nuih ati za, a bike hnungah chuan zeilo deuhin ka ṭhu veleh ta

" Ka inluah neitute hian arukin ' Lerh ' min ti ngawt ang " Inchhunga luh pah chuan kati a, Saipuia chu a nui hawk

Tea leh Fela bakah Saipuia ka hruai hawng vek tawh

" I mizia hrechiang tan chutiang ngaihdan chu tuman an nei theilo ang " A tih chuan ka hmui ka tisawi zeuh 

" Tunah te chuan phatsantu alawm ka nih " 

" Sawi sek suh a, Lalruatfela hi hnek ka chak ania " Ati hluk 

" A hma khan Fela pawn hnek a chak ve tho ang che " Ka tih chuan 

" Mawli " a ti nghuta

" Vawiin ah Fela pawh akal leh tawha, diktak chuan a khawngaih thlak, Khatiang hmel pu khan vawikhat mah kala hmu ngailo, kan inhriatna arei ve tawha hmeichhia angaihsak ngailo nang nen in in hriat aṭanga azia dan chhoh dan chu ahrechiang berte zinga mi ka ni ang. I mizia hrechiang hle lo che ila chuan ka ṭhianpa vang pawn ka hnek duk chur duh ang che " A ti a 

" Ka hlau lo che emai " kalo ti ve zat

" Khapa pawh kha hmuh ka duh, a tenawm dan hi hleh ral vek ka chak " A ti leh nghut nghut, Tea a sawina tih ka hrereng. Ka chunga thil thleng hi kala serious lo riaua min ngai tawk pawh an awm ang mahse, police hnenah a mualpho zawnga chinfel ka duhlo a, chingfel turin finfiahna ṭha pawh ka neilo, ka ṭhianṭha berte pawn ka thusawi an rin loh laiin hriat pawh min hre mumallo tu ten ka thusawi hi an rin ka ringlo ani. 

" Insum rawh " Ka tih chuan

" Police hnena reoport te hi itumlo emni? " Saipuia chuan ati a, min zawt har kati tawh reng ani

" Awmzia a awmlo, police hnena report a mualpho kual vel ka peihlo, Ramluahpuia thil tih tenawmzia ka ngaihtuah hian ka thinrim a mahse, finfiahna ṭha tak pawh neilo in report chu ka ziaklut thei ngawt lo, ani chung thu chu Pathian kutah awm rawh se, keiin phuba kalo lak ve kher hi angailo, nghah rei deuh ngaiin hreawm tak pawh ni mahse, hrem chunga khek dan thiam Pathian kutah hian keichu in nghah ka duh " Ka ti a, ka sawi thui bawka ka thaw achham lek lek alawm le. Zanah Liani'n min lo call nawlh mai tunlai chu kanu te nen tak pawh kan inbe khat

" Naktukah kalo zin dawn, i inah ka thleng dawn ania aw" Alo ti lang lang a, rilru lakpenna tur ka mamawh lai tak ani bawk nen ka lawm ru kher mai

" Tehreng mai, sa hlir ka hmehpui dawn che ania " Tia ka chhanlet chuan alo nui ar ar, Liani nen chuan kan inbe rei vaklo a, Kanu te ka call veleh nghal a, kanu malchungah ka hreawmna zawng zawng dahṭhaa mutthilh siai siai ka van chak em, ka buaina tlansana kapa angchhungah tlanluh ka chak, kapa chuan kei a fanu hi min humhim ngei dawn tih ka hre si a

" Sangi " Kanu in ring lek lek a alo tih chuan kanu ka call tih ka hrechhuak leh chiah

" Nu " Ka ti nghal vat

" Min lo call a i reh vung vung bawk si, i lo call sual emaw kati hman alawm " A ti hlak hlak kanu hi chu avan zaidam lo ve tak mahse, abulah chuan ka hahdam ve em em tho bawk si

" I la har lutuk a, thildang ka ti leh hman alawm " Tiin dawt ka sawi leh tawp, dawtsawi phutzawk pawh ka nei tawhlo anih hi 

" Ka phone ka dahna ka hrelo a, a ri tho bawk sia ka zawng alawm " alo ti leh maia tum loh deuhin ka nuih tak chu

" I hnaisailo ve sia " 

" Ka upa tawh alawm " Alo ti leh, a inla upa thei mai sia

" Nu lo zin la, tunlai chu ka ngai riau che ka inluah pawh minla hmuhpui lo, kapa nen lo zin ula " Ka ti a, Ka hahdamna leh ka kulhpui kanu leh pa te kianga awm ka chak

" I pa kalo sawipui dawn nia, Fela chu akal leh tawh maw?" Fela hming a sawi rik chuan chhanlet asak ṭalh mai

" Umm kal leh tawh " Kanu hi thil thleng hrilh ila min ring ang em le, ka hlauthawng vek tawh ani ber e

" Nichin deuh khan kan inbia a " Kanu'n atih chuan 

" Eng nge in sawi, thil sawi anei em? " Rang zetin kati nghal zung zung

" Kan inbiak chuan thilsawi aneih ve loh ten " Kanu lah chuan ati mai mai leh nghal

" Chutiang lam anilo " Pawr deuha ka tih chuan alo nui a

" Tihtauh te hi bansan tawh rawh, i ngai ang ani pawn angai ang che mahse, rilru nuamlo deuh tura tihtauh khum chu ching tawh suh " Alo tih chuan ka bo tulh tulh

" Eng nge i sawi awmzia " Ka ti ta nge nge a

" I tihtauh thu leh i thlah duh loh thu min hrilh a, iti anglo ṭhin emai " Kanu chuan alo ti hlak hlak Kanu hnenah engmah asawilo eng rilru nge aput ang le

" Ka dah rih ang aw, tui deuhin mu la Ṭawngṭai theihnghilh suh ka fanu " Kanu nen kan in be zo a, ka mal leh nghal ngawih ngawih, ka khum bula Ukulele chu banin ka thlek vang vang, uluk taka Fela'n a perh lai te anui hmel te ka mitthla ah alo lang a, kan tawp ta chu ani mai si a kan thawnthu tawpna hian rilru avan ti na vawng vawng tak, ' Nunhlui khuarei chang tur hi ka dawn in, thinlai ahnim riai e, Zantiang chhawrhthla alo en chang hian nang ngaih azual ṭhin. ' Ka hla ngaihthlak chuan mittui ako chhuak leh ta, A rim te anui hmel leh Lalruatfela engkim kha ka ngai, zan muttheih loh ka nei ngailo tiin ka vanneih zia ka sawi ṭhin a, chu vanneihna pawh chuan min thlawh khum tawh aniang, mu theilo in ka leh sek hi mutchhuak lo kani lo a ka muhil theilo zawk ani.

" U duh, chahbi hi ka dah anga ka ṭhiannu'n alo lam ang aw, alo zin dawna ka lo hawnpui hman dawn silo " Hna kal tura ka chhuah pahin U duhi tein ah chuan ka peng chho a

" Aw le, lo dah rawh " Alo ti dam thlap, naupang school kaltur abuaipuia alo buai khawp mai, chahbi chu khaiin ka kal lehnghal, nidang zawng aiin ka kal hma ve a Company ah pawh tlang talo chuan hmun dangah ka kal hmasa. Fela in piahah dingin in chu ka tir vang vang

' He in hian ka hriatrengtur nunhlui tam tak min pe ani, engtin nge nang leh he in hi ka theihnghilh theih ang ' Mi a ang maiin keimah leh keimah ka inbia a, mi a ang mai pawh nilo in mi a chu ka nih ber tawh hi. 

Cont..